Paunak 8:18 - Tedim Bible Revision 2017

¹⁸ Piakkhiat theih ding hauhna le minphatna, daupaina le ma tutsak zawhna a kicingin ka nei hi.

Tedim Bible

¹⁸ Keimah in piakkhiat theih ding hauhna leh minphatna, daupaina leh matutsak zawhna ka nei hi.

Paunak 8:18 Referans Kwoze

Paunak 3:16

Pilna in khan hong sausak a, hauhna le pahtawina zong hong pia thuah lai hi.

Mattiu 6:33

Thudang khempeuh sangin Pasianʼ ukna le ama deihna na zuih theih nading uh thupi ngaihsut masa zaw un. Tua hileh hih na kisapna dangte khempeuh uh zong hong pia thuah veve ding hi.

Mangmuhna 3:18

Tua ahih manin na hauh theih nadingun kei kiang panin kham citak hong lei-in a zumhuaipi-in guaktang a na omna uh na kisel nadingun puan pak hong lei unla, khua na muh theih nadingun mit zatui hong lei un.

Filippi 4:19

A na ka sep i Topa Pasian in ama hauhna tawh kizui-in Khris Jesu hangin noteʼ kitangsapna khempeuh hong pia ding hi.

Efesa 3:8

Pasianʼ mi khempeuh lakah kei a neu pen hi napi-in, Khris hangin a kigen zo lo thu manpha ahi Lungdamna Thu, Gentail mite lakah a gen ding,

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Luka 12:33

Na neihsa uh zuak unla, mizawngte tungah tua sumte na pia un. Note adingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei het loh nading mun vantungah na sumte uh na khol un.

Luka 10:42

Ahi zongin a kisam taktak khat bek om a, Mary in tua a kisam na pen a semsem ahih manin, a nasep kikhawlsak lo ding hi,” ci-in a dawng hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu ah mihau a suak dingin Pasian in leitung mizawngte a teel hi napi-in,

Paunak 11:4

Hauhna in sih nading panin hong hu thei lo a, thumanna in na sih ding hong hu thei hi.

Late 112:3

Hauhna le nopsaknate a innkuan sungah dim dinga, ama thumanna kip tawntung ding hi.

Late 36:6

Na thumanna pen Pasianʼ mualte tawh kibang a, na thukhennate pen tuipi thuk tawh kibang hi. Mihing le ganhing na hon hi, Topa aw.

Paunak 24:4

Thungaihsut theihna inn sungah a hoih a manpha nate a dimtakin om hi.