Paunak 8:13 - Tedim Bible Revision 2017

¹³ Topa zahtakna pen thusia muhdahna hi a, kiphatsakna le kihihsakna, gamtat sia le thuzuau ka mudah hi.

Tedim Bible

¹³ Topa zahtakna in thusia muhdahna hi a, kiphatsakna leh kihihsakna, gamtatsia leh thuzuau ka mudah hi.

Paunak 8:13 Referans Kwoze

Paunak 16:6

Thumanna le cihtakna mawhmai ngahna hi a, Topa zahtakna siatna tawh kipelhna ahi hi.

Late 97:10

Topa in gitlohna a mudahte it a, amah in a mi siangthoteʼ nuntakna siat nading pan a kem hi. Amah in migiloteʼ khut sung panin amaute a hon khia hi.

1 SAMUEL MASA 2:3

Tua bangin kiphatsakna tawh pau nawn kei inla, na kam sung pan kihihsakna ging khiasak kei in. Bang hang hiam cih leh Topa pen a thei Pasian hi a, amah in gamtatnate a tawi khai hi.

Paunak 4:24

A man lo thu gen ngei kei inla, zuau thu le a kiza khial thei ding kammalte zang het kei in.

1 THESALONIKA MASA 5:22

a sia lamsang peuhmah pelh un.

1 PETER MASA 5:5

Tua mah bangin no khangno zaw deuhte in zong a khanghamteʼ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

Amos 5:15

Thusia mudahin thupha deih unla, thukhen zumah a manin thu khen un. Tua hileh Josef minam a suakta sunte tungah Topa, Vanglian Pasian hong thunuam kha thei ding hi.

Late 119:128

Tua ahih ciangin na thuhilhnate khempeuh tawh a kituakin kei ka gamta a, a man lo lampi khempeuh ka mudah hi.

Paunak 16:18

Kisaktheihna in siatna hong tuaksak a, kiphatsakna in pukna hong piangsak hi.

Paunak 6:12

Miginalo pa, a gilopa, thuzuau genin vak kawikawi a,

2 TIMOTI NIHNA 2:19

Ahi zongin Pasian in a phuh sa sutpi kilok zo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna su kha lo ding hi,” cihna kigelh hi.

ROM (Romans) 12:9

Na ki-itnate uh lungsim takpi tawh hisak unla, a siate mudahin a hoihte lenkip un.

Zekhariah 8:17

Khatlekhat kisiatsakna ding vaihawm kei unla, a man lopi-in teci pangin kiciam kei un. Zuauna, thuman lohna le kibawlsiatnate ka deih kei hi,” hong ci hi.

Late 138:6

Bang hang hiam cih leh Topa lian mahmah napi-in amah in a neute don a, a kiphasakte ahihleh amah in gamlapi panin mu thei veve hi.

Late 101:3

A sia na peuhmah ka deih kei ding hi. Lam khial miteʼ nasepna ka mudah a, tuate tawh ka kisu kha kei ding hi.

Paunak 10:31

Midikte in pilna thu gen uh a, thu hoih lo a genteʼ leii ki-attan ding hi.

Late 119:104

Na thuhilhnate hangin thu theihtelna ka ngah hi. Tua ahih ciangin a man lo lampi khempeuh ka mudah hi.

JOB (Job) 1:1

Uz gamah Job kici min nei mi khat a om hi. Tua mipa a paubaang lo, a thutang, Pasian a zahtak mi khat hi a, amah in gamtat hoih lo peuhmah peel hi.

Paunak 3:7

Nangmah a pilin kingaihsun tawm kei inla, Topa zahtakin a sia peel in.

Paunak 15:9

Topa in migiloteʼ gamtatna kihhuai sa a, thuman a deih mite a it hi.

Isaiah 13:11

Leitung mite a tatsiatna hangun gim ka pia dinga, migilote a mawhna hangun gim ka thuaksak ding hi. Mi kihisakteʼ kiphatsakna beisiang sakin, a kisatheiteʼ kiliatsakna ka niamkhiat ding hi.

Paikhiatna 1:17

Ahih hangin naudomte in Pasian zahtak uh hi. Egypt kumpipa in amaute a thupiak bangin gamta lo uh a, nau pasalte nungtasak uh hi.

JOB (Job) 28:28

“Tua ciangin amah in mihingte tungah thu genin, ‘Topa zahtakna, pilna hi a, siatna pelhna pen thutheihna hi,’ ci hi,” a ci hi.

Paunak 16:5

Topa in a kihisak mite mudah a, amaute in gimna thuak hamtang uh hi.

Amos 6:8

Topa Pasian thupi takin kiciam khin a, Topa, Vanglian Pasian in hih bangin ci hi: Israel-teʼ kiphatsakna ka hua a, a mun muanhuaite uh ka mu nuam kei hi. Tua ahih manin a khuapi le a sunga a om teng, galteʼ khut sungah ka pia ding hi.