Paunak 8:10 - Tedim Bible Revision 2017

¹⁰ Ngun sangin kong thuhilhnate deih zaw unla, kham hoih pen sangin thutheihna deih zaw un.

Tedim Bible

¹⁰ Ngun sangin kong thuhilhnate deihzaw un la, kham hoihpen sangin thutheihna deihzaw un.

Paunak 8:10 Referans Kwoze

Late 119:127

Tua ahih ciangin khamte, le kham hoih pente sangin nangma thupiakna ka deih zaw hi.

Late 119:72

Nangma kam sung pan a thu pen kham le ngun tul tampite sangin kei adingin hoih zaw hi.

Paunak 23:23

Thuman, pilna, siamna, thungaihsut theihna lei in; zuak khiat dingin tuate pammaih lua hi.

Thuhilh-sia 7:11

Pilna pen hauhna zahin hoih a, mihingte adingin phattuamna ahi hi.

Paunak 10:20

Mihoihteʼ thugente ngun tang bang a, migiloteʼ ngaihsutnate in bangmah man lo hi.

Sawltak 3:6

Peter in ama kiangah, “Sum ka nei peuhmah kei hi; ahi zongin ka neih kong pia ding hi. Nazareth khuami Jesu Khris min tawh, dingin lam na pai nadingin thu kong pia hi,” a cih khit ciangin,

Paunak 16:16

Kham sangin pilna hoih zaw a, ngun sangin thutheihna deihhuai zaw hi.

Late 119:162

Van kinusia tampi tak a ngah pa bangin na thuciamna ah ka lung a dam mahmah hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Paunak 8:19

Keima kiang panin na ngahte uh ngun hoih pen sangin hoih zaw a, kham hoih pen sangin zong hoih zaw lai hi.

JOB (Job) 28:15

Pilna pen kham tawh a kilei zo hi lo a, a man ding zah zong ngun tawh seh theih hi lo hi.

JOB (Job) 28:17

Pilna a manphatna kham le limlang tawh tehtheih hi lo a, kham hoih pen a kibawl nate tawh zong lei zawh hi lo hi.

Paunak 20:15

Pilna tawh kam na pau theih leh kham le suangmanpha sangin a manpha zaw a nei na hi hi.