Paunak 7:26 - Tedim Bible Revision 2017

²⁶ Tua bang numei in mi tampi tak siasakin, sim zawh loh ding mi tampiʼ sihna a piangsak hi.

Tedim Bible

²⁶ Tua bang numei in mi tampi tak siasakin, sim zawh loh ding mi tampi’ sihna piangsak hi.

Paunak 7:26 Referans Kwoze

Nehemiah 13:26

Israel kumpipa Solomon zong tua bang numeiteʼ hangin khial hi lo ahi hiam? Minam tampite lakah amah tawh a kibang kumpi khat zong om lo a, ama Pasian in amah itin, Israel khempeuh tungah kumpi-in amah koih hi; ahi ta zongin gamdang numeite in amah nangawn khialsak zo hi.

1 PETER MASA 2:11

Ka itte aw, hih leitungah gamdang mi, a peem pak bangin kingaihsun unla, na kha nuntakna uh tawh a kilehngat pumpiʼ deihnate na kikham un.

1 KORIN MASA 10:8

Amaute pawl khat bangin numei tawh paktatna i gamta kei ding hi. Ni khat thu-in mi tul sawm nih le tul thum a si uh hi.

Paunak 6:33

Mawhna a bawl mi in sat gawpna thuak dinga, a min sia-in mindai paisuak ding hi.

2 SAMUEL NIHNA 3:27

Hebron ah Abner hong paikik ciangin, Joab in amah tawh a kituam ho dingin kulh kongpi pam ah paikhiatpih a, a sanggampa Asahelʼ phulakna-in amah in a gil sun a, tua ciangin a si hi.

Thukhente 16:21

Tua ciangin Filistia mite in amah manin a mitte khel khia uh a, Gaza ah paipihin amah sumngo kol a bulh uh hi. Amah in thong sung an gawina ah an a gawi hi.

2 KORIN NIHNA 12:21

Note kiangah ka hong tun ciangin a beisa hunah note tampi tak thaangtatin, numei tawh mawhna, hukna, lannate hangin na khialhnate uh na kisik loh manun keimah dahin kapin, noteʼ muhna ah ka Pasian in kei hong maizumsak khak ding ka lunghimawh mahmah hi.

Paunak 9:18

Tua lai ah a paite a sihna thu tua lai ah a lut sate sihna gam thuk sungah a om khitna thu, a khem zawh mite in phawk kha lo uh hi.

Paunak 7:27

Tua bang numei zuihna pen sihna gam zuatna hi a, sih baih nading lampi zuatna ahi hi.

Paunak 2:18

Tua nuʼ inn ah pai lecin sihna lampi a zui na hi a, misite gam a zuan na hi hi.

Paunak 23:28

Gutate bangin nang hong buk sim a, mi tampi tak siasak uh hi.