Paunak 6:6 - Tedim Bible Revision 2017

⁶ Thadahpa aw, miksite kiangah pai inla, amauʼ nuntak zia va en in.

Tedim Bible

⁶ Thadahpa aw, miksite kiangah pai in la, amau’ nuntakna zia va en in.

Paunak 6:6 Referans Kwoze

Paunak 20:4

Lo khawh hunin a kho nuam lo thadahpa in tuk anlak hun ciangin bangmah nei lo ding hi.

Paunak 18:9

Na a susia mite a hoih loh zah mahin a thadahte zong mihoih lo ahi hi.

Paunak 6:9

Thadahpa aw, bang tanvei lumlum dinga, cik ciangin tho khia ding na hi hiam?

Hebru 6:12

Note thadah loin upna le lungduaina a nei mite bangin, Pasianʼ hong ciam sa thu na ngah nadingun ka hong deihsak uh hi.

Paunak 13:4

Thadah mi in a deih ngah zo lo a, nasep hahkat mi in a deih khempeuh ngah zo hi.

Mattiu 25:26

a topa in, ‘A hoih lo, a thadah nasem pa aw, ka sep loh ka bawl lohnapi ah ka deihlam hong thei na hih leh,

Paunak 30:25

Miksite: A hat het lo ganhing hi napi-in khuakhal sungin a nek ding uh khol zo uh hi.

ROM (Romans) 12:11

Thadah kei unla, nakpi takin na sem un. Lawp mahmahna lungsim tawh Topaʼ na sem un.

Paunak 21:25

Mi thadahpa in na sem nuam lo ahih manin a mahmah a kithattawm ahi hi.

Paunak 19:15

A thadahte lumlum a, a mawk omte a gil kial hi.

Paunak 22:13

Mi thadahte a inn ah lumlum a, “Pua pial lehang humpiʼn hong hih khaʼn teh,” ci uh hi.

Paunak 10:26

Leenggahtui thuk in ha kimsak a, meikhu in mit a siipsak bangin, mi thadah in a cial pa a nasak hi.

Paunak 19:24

A thadah mi in a khut tawh ankuang sawk sukin a kam sungah a tut tohkik ding nangawn ut lo liang hi.

Mattiu 6:26

“Vanah a leeng vasate ngaihsun dih un: Amaute in khai tuh lo, an zong la lo, sal sungah zong khol lo napi-in vantungah a om na Pa un tuate a nek ding uh tasamsak lo hi. Tua vasate sangin note manpha zaw thampek hi lo na hi uh hiam?

Paunak 15:19

Mi thadahte in mun khempeuh ah haksatna tuak a, mi thumante in haksatna tuak kha lo hi.

Paunak 1:17

I mat nop vasateʼ muhtangpi-in, i siahna ngenthang zaak leeng a mawkna ahi hi.

Isaiah 1:3

Bawng in amah a nei pa thei a, la in zong a topaʼ an piakna mun thei buang hi. Ahih hangin Israel in bangmah thei lo a, keima mite in theithei lo uh hi,” a ci hi.

Paunak 23:19

Ka ta aw, ka thu ngai inla, mipil suak in; lampi man zuih ding ngaihsutpi-in nei in.

Paunak 30:24

A neu mahmah ganhing nam li leitungah om a, ahi zongin a pil penpente ahi hi.

Jeremiah 8:7

Gunvapite nangawn in a lal hun ding thei uh a, sumkuangte, phialphiahte, le gunvapite zong a hun ciangin hong tung zel uh hi. Ahih hangin ka mite in Topaʼ ngeina kipte a thei kei uh hi.

Paunak 10:4

Thadahna in zawnna hi a, tha nuamna in hauhna hi.