Paunak 6:34 - Tedim Bible Revision 2017

³⁴ A numeiʼ pasal a heh zawk theih nading thudang om nawn lo a, a heh thukna ah khawl hun cih nei thei lo hi.

Tedim Bible

³⁴ A pasal a heh zawk nading thudang om nawn lo a, a heh thukna-ah khawl hun cih nei thei lo ding hi.

Paunak 6:34 Referans Kwoze

Solomon la 8:6

Kei sim loh kuamah ngai kei inla, kei sim loh kuamah kawi kei in. Itna zong sihna zahin thahat a, ngaihna zong sihna zahin khauh hi. Itna, mei bangin kuang khia a, meikuang lian pen a suak hi.

Paunak 27:4

Hehna le sinsona siahuai a, ahi zongin hazatna siahuai zaw lai hi.

Gamlak-vakna 5:14

a pasal in upmawhna lungsim nei-in, a kininsak tawm a zi a upmawh leh; tua ahih kei leh zong, a numei kininsak lo napi-in, a pasal in upmawhna lungsim nei-in, a zi a upmawh leh;

1 KORIN MASA 10:22

A nih tuakah kihel khawm lehang Topa a heh nadingin a gamta ihi dinga, eite pen Topa sangin i hat zaw het kei hi.

Gamlak-vakna 25:11

“Siampi Aaronʼ tapa Eleazar, Eleazarʼ tapa Finehas in Israel mite tungah ka hehna damsakkik hi. Keimah in pammaih ka sak bangin amah in pammaih sa ahih ciangin pammaih ka sakna tawh Israel mite ka beisak kei hi.

Piancilna 39:19

“Na nasem pa in kei hong bawlna dan hih bang hi,” ci-in a zi in ama kiang a a genna a topa in a zak ciangin heh mahmah hi.

Paunak 6:33

Mawhna a bawl mi in sat gawpna thuak dinga, a min sia-in mindai paisuak ding hi.

Paunak 6:35

Amah in sumlepai sang nuam vet lo a, letsong tampi piakna in a hehna damsak zo lo hi.

Paunak 11:4

Hauhna in sih nading panin hong hu thei lo a, thumanna in na sih ding hong hu thei hi.

Isaiah 13:17

En un, ngun le khamte tawh a lungkim lo Media mite pen amaute a sim dingin ka hanthawn hi.

2 SAMUEL NIHNA 11:5

Tua ciangin tua numei gai hi. Amah in mi sawlin David kiangah, “Nau ka paii hi,” ci-in gensak hi.