Paunak 6:19 - Tedim Bible Revision 2017

¹⁹ zuau thu gen teci man lote, le kitotna a piangsakte ahi hi.

Tedim Bible

¹⁹ zuauthu a ban gengen teci man lote, a lawmte lakah kitotna a piangsakte ahi hi.

Paunak 6:19 Referans Kwoze

Paunak 19:5

Thuman gen lo teci in gim tuak pelmawh dinga, zuaugen mi suakta lo ding hi.

Paunak 6:14

A lungsimah thusia bekbek ngaihsun niloh a, a omna peuh ah buaina a piangsak hi.

Jeim 3:18

Kilemna a piangsak mite in lungnuam takin a tuh khaici in hoihna le dikna a piangsak hi.

Paunak 19:9

Thuman lo teci in gim tuak pelmawh dinga, zuaugen mi in sihna thuak ding hi.

Late 27:12

Ka langteʼ deihna bangin kei hong nusia kei in; bang hang hiam cih leh teci man lote ka langah pang khin a, amaute in zuau genin kei hong tawng niloh uh hi.

Paunak 25:18

A lawmteʼ lang khat ah teci man lo a pang mi pen molhtum, namsau, ahih kei leh thal hiam tawh kibang hi.

Paunak 26:20

Sing om kei leh mei mit a, gensiatna om kei leh kitotna bei hi.

Paunak 22:10

Mi kiphasakte hawl khia lecin kitotna le kisimmawhna bei pah ding hi.

2 TIMOTI NIHNA 2:23

Thu kihai seelna, thei lo pi-a thu kinialnate na pelh in. Tua bangte in kitotna a piansak lamtak na theih sa ahi hi.

Sawltak 6:13

Tua ciangin zuau thu a gen dingin mi pawl khat hong paipih uh a, “Hih mipa in a siangtho i biakinnpi le Moses Thukham gensia tawntung hi.

Paunak 16:28

Mihoih lote in kitotna piangsak a, mi gensiate in lawmta ki-it kimlai kimudahsak hi.

Paunak 12:17

Thuman mite in thu taktak mah gen uh a, zuau tecite in khemna thu bek gen uh hi.

Mattiu 26:59

Siampi liante le uliante in Jesu a thah theih nadingun zuau teci a pang ding mi a zong uh hi.

Mattiu 15:19

Bang hang hiam cih leh lungsim panin mi thahnopna, mi zi tawh mawhnopna, nungak tawh mawhnopna, guktaakna, zuaugenna, mi gensiatna le ngaihsut hoih lo a tuamtuam hong piang khia hi.

Late 35:11

Mi a el tecite hong kipan uh a, ka theih loh thute kei hong dong uh hi.

Paikhiatna 23:1

“Thuman lo na gen khia kei ding uh hi. Elna tawh teci pang dingin migilo pa tawh na kipawl kei ding uh hi.

Paikhiatna 20:16

“Na veengte uh lang khat ah a man loin teci na pang kei ding uh hi.

Paunak 14:5

A citak teci in thuman bekbek gen tawntung a, a gina lo teci in zuau bekbek gen tawntung hi.

Paunak 21:28

A man lo tecite mangthang ding uh a, thuman teciteʼ kam kizaza ding hi.

Paunak 8:13

Topa zahtakna pen thusia muhdahna hi a, kiphatsakna le kihihsakna, gamtat sia le thuzuau ka mudah hi.