Paunak 6:17 - Tedim Bible Revision 2017

¹⁷ kihihsakna, zuau thu genna, mawhnei lo mi thahna,

Tedim Bible

¹⁷ kihihsakna, zuauthu genna, mawhnei lo mi thahna,

Paunak 6:17 Referans Kwoze

Paunak 12:22

Topa in zuaugen mite mudah a, mi citakte tungah a lungdam hi.

Isaiah 1:15

“Thungenin na khutte uh nong zaak uh ciangin note kong en kei dinga, thu tampi na nget uh hangin keʼn ka ngai tuan kei ding hi. Bang hang hiam cih leh sisan tawh noteʼ khut kidim hi.

Late 101:5

A veengte a gen sia sim mite ka susia dinga, kiphatsakna, kihihsakna lungsim a nei mi ka thuak kei ding hi.

Late 5:6

Zuau thu a gen mite nangmah in na susia hi. Topa in mi thahnopna lungsim le mi khemnopna lungsim a neite a mudah hi.

Isaiah 3:9

Amauʼ maipuak in amauʼ langah teci pang hi. Sodom bangin amaute a langtangin gamta uh a, amaute in im lo uh hi. Amaute in gimna ngah tahen! Bang hang hiam cih leh amaute in amauʼ tung mahah siatna kitun uh hi.

Paunak 21:4

Kihisakin gamtatna le kiphatsakna lungsimte pen mawhna hi a, migilo hihna lim ahi hi.

Thu-hilhkikna 27:25

“‘Mawhna nei lopa thah nadingin sumgolh a la mipa in gimna ngah tahen,’ ci ding uh hi. Tua ciangin mi khempeuh in, ‘Amen,’ ci ding uh hi.

Johan 8:44

Note pen na pa uh Dawimangpaʼ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Isaiah 3:16

Topa in hih bangin ci hi: Jerusalem numeite kiphasakin ngawng dok sa-in lam pai uh a, kiphatsakna tawh a mit uh hei pampamin hi tuihtuihin lam pai uh a, a khe uh gingsak sualsual ahih ciangun

Paunak 26:28

Zuaugenna in midik kimlai a mawh bangsak a, tungtham bek a thugenna in siatna bek piangsak hi.

Late 18:27

Bang hang hiam cih leh miniamte na hon khia a, ahih hangin mi kiphasakte na niamsak hi.

Thu-hilhkikna 19:10

Tua hikeileh Topa na Pasian un luah dingin note hong piak leitang tungah mawhbaang lo mi kithat kha dinga, tua mi thahna hanga mawhna noteʼ tungah hong tu ding hi.

Isaiah 2:11

Miteʼ kiliatsakna pen kiniamkoih dinga, mihingteʼ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

Paunak 30:13

Mihoih pha mahmah in a kingaihsun, a kiliansak mahmah mi pawl khat om hi.

Paunak 14:5

A citak teci in thuman bekbek gen tawntung a, a gina lo teci in zuau bekbek gen tawntung hi.

Late 31:18

Thumanteʼ langah pang a, kihihsak pau-in, kiphatsakna le simmawhna tawh pau-in zuau thu a gen mite a pau thei loin omsak in.

Mangmuhna 22:15

Ahi zongin a lampial mite, aisan mite, a paktat mite, mi thatte, milim biate le zuaugen nuamsa-in zuau a gengen mite, khuapi pua lamah a om uh hi.

1 PETER MASA 5:5

Tua mah bangin no khangno zaw deuhte in zong a khanghamteʼ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

Paunak 17:7

Mi liante in zuau thu gen ngei lo a, mihaite in na-a kimang kam pau ngei lo hi.

Paunak 1:11

Amaute in, “Hong pai in, mi khatpeuh va that ni! Mi ommuang khat va muan suam ni!

Late 131:1

Topa aw, ka lungsim kiliansak nawn lo a, kei ka kihisak nawn kei hi. Kei adingin a lian lua le a lamdang luate ngaihsutin ka nei kei hi.

Late 10:4

Migilo in kiphatsakna lungsim nei a, Topa zong lo hi. Ama ngaihsutna khempeuh ah, “Pasian om kei,” a ci hi.

Paunak 1:16

Amaute a sia-in gamta nuam vanvan uh a, mi thah ding lamsang haksa sa het lo uh hi.

Paunak 6:16

Topa in a muhdah, a khah khong ngei loh ding, thu guk, tua zah bek hi lo, thu sagih tak om a, tuate pen

Paunak 28:17

Mi thatin a khial pa in ama hankhuk ding a to ahi hi. Ama hankhuk tawh kho kei in.

Jeremiah 26:15

Kei nong thah uh leh bel, mawhnei lo mi khat na thah manun note mahmah a kipan hih khuapi le a sunga teengte in na thuak ding uh thei ta un. Bang hang hiam cih leh noteʼ bil mahmah in na zak dingun hih thute a gen dingin Topaʼ hong sawl taktak ka hi hi,” a ci hi.

2 KUMPI NIHNATE 21:16

Tua tham loin Topaʼ muhna ah amaute a sia a gamtat nadingun amah in Judah mite a khialhsak banah, Jerusalem mong khat pan mong khat sisan tawh a kidimsak dongin Manasseh in mawhna baang lo mi tampi a that hi.

Late 5:7

Kei ka hih leh a kicing na itna kip suangin na inn sungah ka tum dinga, nangmah zahtakna tawh kunin a siangtho na biakinn lam nga-in kong bia ding hi.

Paunak 16:5

Topa in a kihisak mite mudah a, amaute in gimna thuak hamtang uh hi.