Paunak 6:16 - Tedim Bible Revision 2017

¹⁶ Topa in a muhdah, a khah khong ngei loh ding, thu guk, tua zah bek hi lo, thu sagih tak om a, tuate pen

Tedim Bible

¹⁶ Topa in a muhdah, a khahkhong ngei loh ding, thu guk, bek hilo, thu sagih tak om a tuate in,

Paunak 6:16 Referans Kwoze

Late 11:5

Topa in midikte le migilote en tel a, a ngongtat nuam mite a lungsim in mudah hi.

Paunak 8:13

Topa zahtakna pen thusia muhdahna hi a, kiphatsakna le kihihsakna, gamtat sia le thuzuau ka mudah hi.

Paunak 11:20

Topa in lungsim gilote mudah a, a manin a gamtate tungah a lungkim hi.

Paunak 3:32

Bang hang hiam cih leh Topa in a sia-in a gamtate mudah a, thuman mite bek a pawlpih dingin a la hi.

Thu-hilhkikna 25:16

Bang hang hiam cih leh tua bangin gamta-in, a thuman lote khempeuh, Topa noteʼ Pasianʼ tungah a kihhuai ahi hi.

Paunak 17:15

Migilote khah khongna, thuman mite mawhsakna, a nih tuakin Topa in deih lo hi.

Paunak 11:1

Tawikhaina man lo a zangte Topa in mudah a, tawikhaina man a zangte tungah Topa lungkim hi.

Amos 2:1

Topa in hih bangin ci hi: Moab mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh leiseek cianna ah a kizang leikang a zat dingin Edom kumpipaʼ guhte a hal uh hi.

Amos 1:11

Topa in hih bangin ci hi: Edom mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in a sanggam uh Israel-te namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Amos 1:9

Topa in hih bangin ci hi: Taia khua mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in minam bup khat Edom mite tungah ap uh a, lawmta dinga a thuciamna uh zui lo uh hi.

Amos 1:6

Topa in hih bangin ci hi: Gaza khua mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in minam bup khat sal dingin manin, Edom mite tungah ap uh hi.

Amos 1:3

Topa in hih bangin ci hi: Damaskas khua mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in an gawina suang tawh gawizan bangin, Gilead gam mite gawi gawp uh hi.

Paunak 30:21

Leitung mi khempeuh in a thuak zawh loh thu thum, eh! thu li om a,

Paunak 20:23

Tawisuang nam nih a zangte Topa in mudah a, amah in tawikhaina man lote hoih sa lo hi.

Thu-hilhkikna 24:4

tua numei a hawl khia a pasal masa in, tua nu a kinitsak khit ciangin a zi dingin lakik thei nawn lo ding hi. Bang hang hiam cih leh tua pen Topaʼ mai ah kihhuaina hi a, Topa noteʼ Pasian un luah dingin hong piak leitang tungah mawhna na tunpih kei ding uh hi.

Thu-hilhkikna 23:18

A paktat nu a kiguaihna sum ahi a, a paktat pa a kiguaihna sum ahi zongin thuciamna khat peuhpeuh piakna-in Topa noteʼ Pasianʼ inn sungah na paipih kei ding uh hi. Bang hang hiam cih leh hih tegel pen Topa noteʼ Pasianʼ tungah a kihhuai ahi hi.

Amos 2:6

Topa in hih bangin ci hi: Israel mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in leiba a loh zawh loh man bekun midik kimlai zuak uh a, khedap bu khat man a loh zawh loh man bekun mi cimawhte sila-in a zuak uh hi.

Amos 2:4

Topa in hih bangin ci hi: Judah mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in ka thukhamte nialin ka thuhilhnate zui lo uh hi. A pu a pate un a na biak sa pasian man lote mah in amaute lam pialsak uh hi.

Paunak 30:29

A gamtatna i et ciangin a thupi suak mahmah thum, eh! li om hi.

Paunak 20:10

Tawisuang nam nih le piciang nam nih zangin mi khemna pen Topa in a deih lohna kibang hi.

Mangmuhna 21:27

Ahi zongin a siang lo, a hoih loin a gamta mi, zuau a gen mite kuamah lut thei lo ding uh a, a nungta mite a kigelhna Tuuno laibu sungah a min a omte bek tua khuapi sungah lut thei ding uh hi.

Paunak 30:24

A neu mahmah ganhing nam li leitungah om a, ahi zongin a pil penpente ahi hi.

Paunak 30:18

Ka theih zawh het loh a lamdang mahmah thu thum om a, eh! li hizaw:

Paunak 6:15

Tua ahih manin theih kholh lohin ama tungah lungkhamna tung dinga, bawlkik zawh nawn loh dongin siatna ngah ding hi.

Paunak 6:17

kihihsakna, zuau thu genna, mawhnei lo mi thahna,

Jeremiah 26:15

Kei nong thah uh leh bel, mawhnei lo mi khat na thah manun note mahmah a kipan hih khuapi le a sunga teengte in na thuak ding uh thei ta un. Bang hang hiam cih leh noteʼ bil mahmah in na zak dingun hih thute a gen dingin Topaʼ hong sawl taktak ka hi hi,” a ci hi.

Zekhariah 8:17

Khatlekhat kisiatsakna ding vaihawm kei unla, a man lopi-in teci pangin kiciam kei un. Zuauna, thuman lohna le kibawlsiatnate ka deih kei hi,” hong ci hi.

2 KUMPI NIHNATE 21:16

Tua tham loin Topaʼ muhna ah amaute a sia a gamtat nadingun amah in Judah mite a khialhsak banah, Jerusalem mong khat pan mong khat sisan tawh a kidimsak dongin Manasseh in mawhna baang lo mi tampi a that hi.

JOB (Job) 5:19

Lungkhamna guk vei dong na tuahna ah amah in nang hong hon dinga, a sagih veina dingah siatna in nang hong su nawn lo ding hi.

Late 5:7

Kei ka hih leh a kicing na itna kip suangin na inn sungah ka tum dinga, nangmah zahtakna tawh kunin a siangtho na biakinn lam nga-in kong bia ding hi.

Paunak 12:22

Topa in zuaugen mite mudah a, mi citakte tungah a lungdam hi.

Paunak 21:4

Kihisakin gamtatna le kiphatsakna lungsimte pen mawhna hi a, migilo hihna lim ahi hi.