Paunak 6:15 - Tedim Bible Revision 2017

¹⁵ Tua ahih manin theih kholh lohin ama tungah lungkhamna tung dinga, bawlkik zawh nawn loh dongin siatna ngah ding hi.

Tedim Bible

¹⁵ Tua ahih manin theihkholh lohin ama tungah lungkhamna tung ding a, bawlkik zawh nawn loh dongin siatna ngah ding hi.

Paunak 6:15 Referans Kwoze

Jeremiah 19:11

amaute kiangah, Vanglian Topa in a cih in ah, hih beelseek paʼ beel kisukham a, a kibawl phatkik theih nawn loh bangmahin hih mite le hih khuapi ka sukham ding hi. Mun dangah si vui nading mun om nawn lo ding ahih manin Tofeth nangawn ah a kivui ding uh hi.

2 KHANG TANGTHU NIHNATE 36:16

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasianʼ kamtaite zahpihin, a thute simmawhin, a kamsangte thusim lo niloh uh hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhat thu-in amaute tungah siatna hong tung vat ding hi. Nausuah natna bangin gimna thuak ding uh a, kuamah suakta lo ding uh hi.

Paunak 1:27

Lungkhamna in huihpiʼ nawk bangin note hong nawk gawpin, pingpeiʼ pei bangin note hong pei gawpin, lungkhamna le sinkhamna na tuah uh ciangin kong don kei ding hi.

Paunak 29:1

Kihilh napi-in a mang nuam lote bawl phat zawh nawn loh dongin kisia ding uh hi.

Late 50:22

“Tua ahih ciangin Pasian a mangngilh mite aw, hih thuciamteh un. Tua hikeileh note kong bal gawp ding hi. Note hong hon khia ding kuamah om lo hi.

Late 55:15

Amauʼ tungah sihna tungsak in. Leinuai ah a hingtangin amaute pai suksak inla, amaute launa lianpi tawh a han uh ah paisak in.

Paunak 1:26

lungkhamna na tuah uh ciangin kong nuihsan lel dinga, launa na tuah uh ciangin kong thusim kei ding hi.

Paunak 6:16

Topa in a muhdah, a khah khong ngei loh ding, thu guk, tua zah bek hi lo, thu sagih tak om a, tuate pen

Paunak 14:32

Migilo pa ama tatsiatna in puksak a, mihoih pa ama hoih tatna in hu hi.

Paunak 24:16

Mihoihte sagih vei dong a puk hangin tho kikkik thei a, migilote ahihleh tuahsiatna thuakin kithallot hi.

Paunak 24:22

Tua bang mite thakhat thu-in kisu gawp thei ding hi. Pasian le kumpipaʼ piansak theih ding gimna kuamah in gen khol thei lo hi.

Ezekiel 11:13

Tua bangin thu genin ka om laitakin Benaiahʼ tapa Pelatiah hong din sih hi. Kei zong leilak ah bok sukin ka kiko a, “Topa Pasian aw, Israel gam sungah a om lai mi khempeuh thah khit sawm na hi hiam?” ka ci hi.