Paunak 6:12 - Tedim Bible Revision 2017

¹² Miginalo pa, a gilopa, thuzuau genin vak kawikawi a,

Tedim Bible

¹² Mi gina lo, a gilopa, zuauthu genin vak kawikawi a,

Paunak 6:12 Referans Kwoze

Mattiu 12:34

Gul bangin ngian a zang note aw, migilo na hih uh ciangin bangci-in thuhoih gen thei mah ding na hi uh hiam? Bang hang hiam cih leh lungsim sunga thu om pen kam in a gen khia hi bek hi.

Paunak 16:27

Migilote in siat nading bek zongzong uh a, a kampaunate uh na a kaang tum thei meikuang tawh kibang hi.

Paunak 4:24

A man lo thu gen ngei kei inla, zuau thu le a kiza khial thei ding kammalte zang het kei in.

1 TIMOTI MASA 5:13

Tua bek zong hi loin, bangmah sem loin inn khat pan inn khat ah vak kawikawi-in a hun uh mawk beisak uh a, a vak mawk uh tawh maisak loin mi gensia kawikawi-in midangte va nawngkaisak uh a, a gen lohpi ding teng uh genin va nei uh hi.

Sawltak 20:30

Note sung mahmah panin zong mi pawl khat in thu um mite khemin a zol khiat hun hong tung ding hi.

Paunak 17:4

Migilote in gitlohna thu bek mah ngaihin nei uh a, zuautheite in zuau thu mah ngaihin nei hi.

Paunak 8:13

Topa zahtakna pen thusia muhdahna hi a, kiphatsakna le kihihsakna, gamtat sia le thuzuau ka mudah hi.

Late 59:7

Amaute a kam uh tawh nak pipi-in hawk uh a, a muk uh tawh zuau thu gengen uh hi. Bang hang hiam cih leh, “Kuaʼn hong za ding hiam?” ci-in amaute in ngaihsun uh hi.

Jeim 3:6

Leii pen mei tawh kibang hi. I pumpi na sung panin a neuno khat hi napi-in i pumpi buppi a sia suah thei a, hell khuk sung panin a hong piang mei tawh i nuntakna buppi hong kaang tumsak thei hi.

Paunak 11:6

Thumanna in midikte hon khia a, thuman lo mite in amauʼ huaihamna mah awk pih uh hi.

Paunak 6:14

A lungsimah thusia bekbek ngaihsun niloh a, a omna peuh ah buaina a piangsak hi.

Paunak 2:12

a sia-in na gamtat khak ding hong kem dinga, kampauna tawh buaina a piangsak thei mi,

Late 36:3

Ama kammalte pen siatna le khemna vive hi a, pil gamtatna le hoih gamtatna bei khinta hi.

Late 10:7

Ama kampaute pen hamsia, khemna le netniamna tawh kidim a, siatna le man lohna bekbek thugenin a nei tawntung hi.

Late 10:3

Bang hang hiam cih leh migilo in a lungsim deihna kisaktheih pih a, ngahna dingah a huaiham pa in Topa phuisamin a taisan hi.

Jeim 1:21

Tua ahih manin ngeina hoih lote le gamtat siate khempeuh nusia unla, Pasianʼ thu mangin noteʼ lungsim sungah a hong koih thu zui un. Tua thu in note hong hon khia thei hi.

Jeremiah 24:2

Bawm khat sunga theigahte, a min masate tawh kibangin limci mahmah hi. Ahih hangin a bawm khat pen sunga theigahte limci het loin nek theih ding bang hi dek lo hi.

1 SAMUEL MASA 17:28

David in mite kiangah thu a gen laitakin ama u a u pen Eliab in a za hi. David tungah Eliab heh mahmah ahih manin, “Bang hangin hong pai suk na hi hiam? Tua tuu tawmkhatte gamlak ah kua tawh nusia na hi hiam? Na kihaimuanna le na lungsim gitlohna ka thei hi. Bang hang hiam cih leh gal kidona a en dingin nong pai suk hi,” a ci hi.

Paunak 10:32

Midikte in a gen ding uh thuhoih thei a, migilote in thusia bekbek gengen uh hi.

Late 101:3

A sia na peuhmah ka deih kei ding hi. Lam khial miteʼ nasepna ka mudah a, tuate tawh ka kisu kha kei ding hi.

Paunak 3:32

Bang hang hiam cih leh Topa in a sia-in a gamtate mudah a, thuman mite bek a pawlpih dingin a la hi.

Paunak 16:30

A mit hong sitsante thusia a ngaihsun hi a, a neh hong piksante thusia geel ahi hi.