Paunak 4:8 - Tedim Bible Revision 2017

⁸ Pilna deih in; mi lianin hong bawl ding hi. Limtakin pom in; pahtawina hong ngahsak ding hi.

Tedim Bible

⁸ Pilna deih in, mi lianin nang hong bawl ding hi; limtak pom in, pahtawina hong ngah sak ding hi.

Paunak 4:8 Referans Kwoze

Daniel 12:3

A pilte ahih uh leh vantung khuavak tawh a taang khawm ding uh hi. A pha-in gamtat ding mi tampi a hilhte pen aksi bangin a taang tawntung ding uh hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.

Paunak 3:35

Mipilte in minphatna le pahtawina ngah ding uh a, mihaite in maizumna le mindaina ngah ding uh hi.

Paunak 22:4

Kiniamkhiat-a Topa zahtakna thaman in hauhna, minthanna, le khansauna ahi hi.

Solomon la 2:6

A veilam baan hong khamsak a, a taklam khutin kei hong kawi hi.

Paunak 3:16

Pilna in khan hong sausak a, hauhna le pahtawina zong hong pia thuah lai hi.