Paunak 4:4 - Tedim Bible Revision 2017

⁴ ka pa in thu hong hilh a, “Ka thugente ciamteh inla, mangngilh kei in. Kong gen bangin gamta in; tua hileh na nungta ding hi.

Tedim Bible

⁴ ka pa in thu hong hilh a, “Ka thugente ciamteh in la mangngilh ngei kei in. Kong gen bangin gamta in, tua hi leh na nungta ding hi.

Paunak 4:4 Referans Kwoze

Paunak 3:1

Ka ta aw, kong thuhilhte mangngilh kei inla, kong thugente phawk tawntung in.

Johan 12:50

Gen dingin a hong sawl thute in nuntak tawntung a piangsak thei ahihna thu ka thei hi. Tua ahih manin Pa in gen dingin a hong sawl teng bek a gen ka hi hi,” a ci hi.

Paunak 7:2

Kong gen bangin gamta lecin na nungta ding hi. Kong thuhilhte, na mitnauta bangin hoihtakin kem in.

1 KHANG TANGTHU MASATE 28:9

“Tu-in nang, ka tapa Solomon aw, na paʼ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paai khia paisuak ding hi.

2 TIMOTI NIHNA 3:15

Khris Jesu upna hangin hotkhiatna a hong ngahsak thei ding pilna a hong pia Lai Siangtho pen na neu tung a kipanin a thei sa na hihna thu zong na theih sa thu mah ahi hi.

Efesa 6:4

Pate aw, na tate uh a heh theih nadingin bawl kei unla, Khristiante ngeina tawh kituakin taii-in hilhin pantah un.

Thu-hilhkikna 6:6

Tu ni-a no kong piak hih thute na lungsim uh ah om ding hi.

Hebru 5:9

Tua bangin a cingtaak mi a suah khit ciangin ama thu a mang mite khempeuh adingin tawntung hotkhiatna a kipatna hong suak a,

Isaiah 55:3

Ka mite aw, ka thu ngai unla, kei kiangah hong pai un. Na nuntak theih nadingun a thu hong za un. David ka it mah bangin keima itna kip, tawntung thuciamna note tawh ka bawl ding hi.

2 TIMOTI NIHNA 1:5

Na pi Lois le na nu Eunis in a neih upna bangte pawl mah, lungsim takpi tawh na upna thu ka phawk a, tu-in zong nang sungah tua bang upna om hi, ci-in ka ngaihsun hi.

Paunak 22:6

Naupang khat a neu lai-in lampi man tawnsak lecin a teek dongin lampial nawn lo ding hi.

Late 119:11

Nangma tungah kong khialh loh nadingin ka lungsim sungah nangma thu ka khol hi.

Thu-hilhkikna 4:9

“Na mit un a muh sa nate na nuntak sungun mangngilh kha-in, na lungsim panun paikhia kha ding ahih manin limtakin ngaihsunin hoihtakin kikem un. Horeb-a Topa na Pasian uh mai ah na din ni-un Topa in kei kiangah, ‘Leitungah a nuntak lai teng uh amaute in kei hong kihtak nading le amaute in a tate uh a hilh sawn theih nadingun keimah in amaute tungah ka thute ka zaksak theih nadingin ka kiangah mite hong khawm in,’ hong cihna thu, na tate uh le na tate uh tateʼ tungah kitheisak un.

Piancilna 18:19

Im kei ning. Bang hang hiam cih leh Topa in Abrahamʼ tunga a ciam sa thu a tunsak theih nadingin ama khit a a tate le a innkuanpihte in thuman le thutangin nasepna tawh Topaʼ thupiakte a zuih theih nadingun a hilh dingin amah ka teel khin hi,” a ci hi.

Late 119:168

Na thuhilhnate le na ngeina kip omte khempeuh hoihtakin ka zui a, ka gamtatna khempeuh nangmah in na hong mu hi.

Paunak 23:26

Ka ta aw, ka thugente ciamteh inla, keima gamtat bangin nang zong gamta in.

Thukhente 13:12

Tua ciangin Manoah in, “Na thugente a manin hong tun ciangin naupangʼ nuntak zia ding bang hi a, amah in bang hih ding ahi hiam?” a ci hi.

Late 119:144

Na teci pannate a tawntungin thuman hi. Thu theihtelna hong guan in; tua hileh ka nungta ding hi.

Paunak 3:2

Kong thuhilhte in na khan hong sausak dinga, hong daupaisak ding hi.

Jeremiah 38:20

Kei zong, “Amauteʼ kiangah nang hong kipia lo ding hi. Tu-a kong gen bangin Topaʼ thu mang in. Tua hileh nang adingin hoih dinga, na nuntakna hong kimap ding hi.