Paunak 4:23 - Tedim Bible Revision 2017

²³ Na lungsim ngaihsutnate nuntakna nak hi a, na neihsa a manpha pen bangin na kep ding ahi hi.

Tedim Bible

²³ Na lungsim ngaihsutnate in nuntakna nak hi a, na neihsa a manphapen bangin na kep ding ahi hi.

Paunak 4:23 Referans Kwoze

Luka 6:45

Mihoih pa in a lungsim sunga thuhoih om teng hong suah khia a, migilo pa in a lungsim sunga a gitlohna teng hong suah khia hi. Bang hang hiam cih leh mite pen amauʼ lungsim sunga a om bangbang a hong pau khia uh ahi hi.

Paunak 13:3

Pau a ki-ip zo mi in a nuntakna a hu hi a, a mawk paupau mi pen amah a kisiasak tawm ahi hi.

Jeremiah 17:9

“Na khempeuh lakah lungsim a khem hat pen hi a, a kisia pha mahmah ahi hi. Kua in lungsim thei zo ding ahi hiam?

Mattiu 15:19

Bang hang hiam cih leh lungsim panin mi thahnopna, mi zi tawh mawhnopna, nungak tawh mawhnopna, guktaakna, zuaugenna, mi gensiatna le ngaihsut hoih lo a tuamtuam hong piang khia hi.

Paunak 23:19

Ka ta aw, ka thu ngai inla, mipil suak in; lampi man zuih ding ngaihsutpi-in nei in.

Paunak 28:26

Ei le ei kimuanna haina hi a, mipilteʼ hilhna zuihna pen lungmuanna ahi hi.

Marka 14:38

Tua ciangin amaute kiangah, “Ze-etna ah na puk khak loh nadingun pilvangin thu ngen un. Lungsim in ze-etna nang nuam napi, pumpi in nang zo lo hi,” a ci hi.

Thu-hilhkikna 4:9

“Na mit un a muh sa nate na nuntak sungun mangngilh kha-in, na lungsim panun paikhia kha ding ahih manin limtakin ngaihsunin hoihtakin kikem un. Horeb-a Topa na Pasian uh mai ah na din ni-un Topa in kei kiangah, ‘Leitungah a nuntak lai teng uh amaute in kei hong kihtak nading le amaute in a tate uh a hilh sawn theih nadingun keimah in amaute tungah ka thute ka zaksak theih nadingin ka kiangah mite hong khawm in,’ hong cihna thu, na tate uh le na tate uh tateʼ tungah kitheisak un.

Hebru 12:15

Pasianʼ hehpihna a ngah lah na hih khak loh nadingun na kidawm un. Zung kha a nei singkung hong khangin mi tampi gimsakin a siatsak bangin mite a siasak na hih khak loh nadingun na kidawm un.

Paunak 4:7

Pilna na ngah nading a thupi masa pen hi a, na neih khempeuh na beilawh zongin na zon ding ahi hi.

Paunak 3:21

Ka ta aw, pilna le thu ngaihsut theihna len tawntung inla, cikmah ciangin khahsuah ngei kei in.

Paunak 22:5

Migiloteʼ lampi ah thang kisiahin so kidawh a, mipilte in tua lampi pelh uh hi.

Paunak 11:16

A dik numei kizahtak a, a dik lo numei mindai hi. A thadah mi in sum nei ngei lo a, a hahkat mi in sum hau hi.

Thuhilh-sia 5:13

A hoih het lo na khat hih leitungah ka mu hi: Mite amauʼ lunggim nadingin hau uh hi.

Mattiu 15:18

Ahi zongin kam sung panin a pusuakte pen lungsim panin hong kipan khia hi a, hihte in mi ninsak thei hi.

2 KUMPI NIHNATE 10:31

Ahih hangin Jehu in a lungsim khempeuh tawh Israel Pasian, Topaʼ thukham limtakin zuih ding ngaihsun lo hi. Israel-te a khialhsakna ahi Jeroboamʼ khialhnate panin amah kihei lo hi.

Paunak 16:17

Mihoihte in siatna tawh a kipelh ding lampi tawn uh a, a lampi tot ding limtakin a ngaihsun mi in a nuntakna a hu ahi hi.