Paunak 4:18 - Tedim Bible Revision 2017

¹⁸ Ahi zongin thuman miteʼ zuih lampi ahihleh sun dong a taang pha semsem zingsang khuavak tung tawh kibang hi.

Tedim Bible

¹⁸ Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

Paunak 4:18 Referans Kwoze

Johan 8:12

Tua khit ciangin Jesu in mihonte kiangah a thugenna khat ah, “Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi.

JOB (Job) 11:17

Tua ciangin na nuntakna, sun sangin taang zaw dinga, nuntak lungzin pen hun, sun sangin taang zaw ding hi.

Daniel 12:3

A pilte ahih uh leh vantung khuavak tawh a taang khawm ding uh hi. A pha-in gamtat ding mi tampi a hilhte pen aksi bangin a taang tawntung ding uh hi.

2 KORIN NIHNA 3:18

Tua ahih manin eite khempeuh i maitang hong kiliah nawn loin Topaʼ minthanna vang taang i kilangsak hi. Topa kiang panin a hong pai Kha Siangtho ahi tua minthanna vang in amah tawh a kibang dingin eite hong bawl pha a, minthanna khat panin minthanna sang zaw ah hong omsak hi.

Filippi 2:15

Tua hileh a lungsim kawi, a hoih lo leitung mite lakah paubaanna a nei lo a siangtho, Pasianʼ tate na hi ding uh a, nuntakna thu na genna uh hangin leitung mite lakah khuavak bangin na hoihna uh a kilang mite na hi ding uh hi.

2 PETER NIHNA 1:19

Tua ahih manin kamsangteʼ gen thute a man taktak ahihna thu ka tel theih uh hi. Noteʼ lungsimah Zingsol hong suakin khua a hong vak matengin khuamial lak a mei taang bangin hih thute ngaihsun le-uhcin hoih mahmah ding hi.

Mattiu 5:16

Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai ah na gamtat hoihna uh khuavak bangin na kilangsak un.

Mattiu 5:14

“Note pen leitung mite adingin khuavak tawh na kibang uh hi. Mual dawnah a om khua kiseelcip thei lo hi.

Late 84:7

Amaute a paikawmun a tha uh hat semsem a, pasian-teʼ Pasian Zion ah mu ding uh hi.

Isaiah 26:7

Midik paʼ lampi tamkim a, nangmah in midik paʼ lampi na neelsak hi.

2 SAMUEL NIHNA 23:4

amah pen amaute tungah zingsang khuavak bangin taang ziazua a, meii kaai loh ni zingsang a nitaang khia, leilak panin lopate a selsak guahtui tawh kibang hi.

Mangmuhna 22:5

Topa Pasian pen amauteʼ khuavak hi-in, a tawntungin amaute in uk paisuak ding uh ahih manin khuamial hun cih om nawn lo dinga, khua a vaksak ding meivak le nitaang cihte kisam lo ding uh hi.

2 PETER NIHNA 3:18

Hehpihna thu le i Topa le Honpa Jesu Khris theihna thu ah na khangto semsem zaw un. Tu hun a kipanin a tawntungin amah in minthanna ngah paisuak tahen. Amen.

Mangmuhna 21:23

Pasianʼ minthanna vang pen khuavak hi a, Tuuno zong meivak hi khin ahih manin tua khuapi in nitaang le khataang cihte kisam lo hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai dinga, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

JOB (Job) 23:10

Ahi zongin Pasian in ka kalsuanna khempeuh thei a, kei hong ze-et leh ka sianthona a mu ding hi.

Mattiu 5:45

Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte le misiate tungah a kibangin ni taangsak khawm a, a gamtat phate le a gamtat siate tungah zong a kibang mahin guah zusak khawm hi.

JOB (Job) 17:9

Miteʼ zahtak a a kinei mite in amauʼ ngaihsutna uh man mahmah sa semsem uh hi.

Late 97:11

Thuman miteʼ tungah khuavak hong taang a, lungsim thutang mite tungah lungdamna hong tung hi.

Paunak 2:9

Tua hileh thuman le thutang a hoih le a kilawm na thei ding hi.

Paunak 2:20

Tua ahih manin mihoihteʼ gamtat bangin na gamta dinga, thuman miteʼ gamtatna na zui ding hi.

Paunak 13:9

Thuman mite khuavak bangin taang lela a, migilote meivak bangin mit pak hi.

Paunak 15:24

Mipilte in nuntakna lampi zui to uh a, sihna lampi zui suk lo uh hi.

Thukhente 5:31

“Tua ahih ciangin na gal khempeuh si khin uh hi, Topa! Ahih hangin na lawmte pen a vangliatna tawh a suak ni bang tahen,” a ci uh hi. Tua ciangin tua gam in kum sawm li sung tawlngakna hun a nei hi.