Paunak 4:14 - Tedim Bible Revision 2017

¹⁴ Migilote tawh kikhawl kei inla, amauʼ gamtatnate zui kei in.

Tedim Bible

¹⁴ Migilote tawh kikhawl kei in la, amau’ gamtatnate zui kei in.

Paunak 4:14 Referans Kwoze

Late 1:1

Mi nuamsa i cihte pen migiloteʼ thu a zui lo mi, mimawhteʼ gamtat bangin a gamta lo mi, mi a thusim lote tawh a kipawl lo mi ahi hi.

1 KORIN MASA 15:33

Sanggamte aw, miʼ khem sa-in ta kei un. Kikholhpih hoih lote in mi siasak thei hi.

Paunak 1:15

Ka ta aw, tua bang mite tawh kikhawl kei inla, amaute kiang panin kihem khia in.

Paunak 1:10

Ka ta aw, mihoih lote in nang hong zol ciangin, amauʼ zolna zui kei in.

Paunak 13:20

Mipil tawh kikhawl lecin na pil dinga, mihai tawh kikhawl lecin gimna na thuak ding hi.

Paunak 9:6

Thu thei lote taisanin khansau unla, pilna lampi zui un,” cisak hi.

Paunak 4:15

Amauʼ gamtat bangin gamta peuhmah keʼn! Gitlohna peel in! Paisan inla, na maban sem in.

Paunak 5:8

Tua bang numei tawh kineh kha kei unla, a inn gei nangawn ah pai kha kei un.

Paunak 7:8

Lam dungah amah a vak laitakin, tua bang numei paktat a omna inn gei khat ah va pai kha a,

Paunak 22:25

Amauʼ hoih lohnate na zuih khak loh nadingun na kidop kei uh leh note in zong na awk lawh kha ding uh hi.

Paunak 24:1

Migilote eng kei inla, amaute tawh kikhawl kei in.