Paunak 4:1 - Tedim Bible Revision 2017

¹ Tate aw, na pa uhʼ hong hilhnate ngai unla, thu na tel theih nadingun limtakin ngaihsun un.

Tedim Bible

¹ Tate aw, na pa uh’ hong hilhnate ngai un la, thu na teltheih nadingun lim takin ngaihsun un.

Paunak 4:1 Referans Kwoze

Hebru 2:1

Tua ahih manin i zak sa thuman thutakte i khahsuah khak loh nadingin kiptak kho takin i letkip ding kisam hi.

Late 34:11

Tate aw, hong pai unla hong ngai un; Topa zahtakna thu kong hilh ding hi.

Paunak 1:8

Ka ta aw, na paʼ hong thuhilhna hoihtakin zui inla, na nuʼ hong thugente ngai in.

Paunak 22:17

Na bil uh hong ngatin mipilteʼ thugen ngai unla, kong hilh pilna thute na lungsim uh ah lutsak un.

Paunak 5:1

Ka ta aw, ka pilna le ka thumuhnate, limtakin ngai-in hong za in.

Paunak 19:20

Thu kigente ngai-in hong kihilhte mang lecin mai lamah na pil ding hi.

Paunak 7:4

Pilna na sanggamnu dingin nei inla, thumuhna na lawm it pen dingin nei in.

Paunak 1:2

Mite in pilna le thuhoihte a phawk theih nading, khiatna thuk a nei kammalte a theihtheih nading.

Jeremiah 35:8

Kote in Rekhabʼ tapa ka pu uh Jonadabʼ hong thupiak khempeuh ka mang uh a, ka nuntak hun sungteng uh ko a kipan ka zite uh, ka tapate uh le ka tanute uh in leenggahzu dawn loin,

Piancilna 49:2

“Jakobʼ tapate aw, hong kikhawmin za unla, na pa Israelʼ thugen ngai un.

Paunak 13:1

Ta pil in a paʼ hilhna mang a, a kihisak mi in a khial min pua nuam lo hi.