Paunak 30:9 - Tedim Bible Revision 2017

⁹ Hau lua leng nang hong nialin, “Topa i cih kua ahi hiam?” kong ci kha dinga, zawng lua leuleu leng miʼ na guksakin ka Pasianʼ min kong daisak khazel ding hi.

Tedim Bible

⁹ Hau lua leng, nang hong nialin, “Topa i cih kua hiam?” kong ci kha ding a, zawng lua leuleu leng, mi’ na guk sakin, ka Pasian’ min kong daisak kha zel ding hi.

Paunak 30:9 Referans Kwoze

Hosea 13:6

Ahi zongin gam hoihna mun tungin na gil uh a vah ciangin na lungsim uh kiphasakin kei nong mangngilh uh hi.

Thu-hilhkikna 31:20

Bang hang hiam cih leh a pu a pate uh tungah piak dinga ka kiciamna, bawngnawi le khuaizu tui bangin a luanna gamah amaute tunpih khinin, amaute in ne-in khamin a thau khit uh ciangin, pasian dangte a bia dingin kihei-in kei hong simmawhin ka thuciamna siasak ding uh hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi. Note thau-in lianpi pha-in, na zol uh hi. Tua ciangin amaute a bawl Pasian amaute in nusia-in, amau a Hon khia pa thusim lo uh hi.

Jeremiah 2:31

No Israel mite aw, Topaʼ kammal limtakin ngai dih un. Israel-te adingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

Paikhiatna 20:7

“Topa noteʼ Pasianʼ min a sia lamin na zang kei ding uh hi. Bang hang hiam cih leh Topa in ama min a zang khialte gim pia ding hi.

Mattiu 26:74

Tua ciangin Peter kiciam a, “Hua mipa ka thei kei hi. Zuau thu ka gen taak leh Pasian in kei hong dawm kei tahen!” a ci hi. Tua khit phetin ak hong khuang ta hi.

Mattiu 26:72

Peter in zong nialkik a, “Hua mipa ka theih taak leh,” ci-in a kiciam hi.

Joshua 24:27

Tua ciangin Joshua in mi khempeuh kiangah, “En un, hih suangtum pen eiteʼ lang khat ah teci hi ding hi. Bang hang hiam cih leh Topa in eite tungah hong thugen khempeuh hih suangtum in za khin hi. Tua ahih ciangin note, na Pasian uh tungah a man loin na gamtat loh nadingun hih suangtum pen noteʼ lang khat ah teci hi ding hi,” a ci hi.

Paunak 29:24

Guktaakna sungah a kipawl mipa ama adingin thusia zong pa ahi hi. A guktaakna pulak leh amah gim kipia dinga, gen khia kei leh lah Pasian in samsia veve ding hi.

Siampi Laibu 5:1

“Mi khatpeuh teci pang dingin a kisap ciangin a muh sa a theih sa thute gen loin a ip leh, amah in tua mawhna pua ding hi.

Paikhiatna 5:2

Ahih hangin Faro in, “Ama thu mangin Israel mite ka paisak nadingin Topa na cih uh kua ahi hiam? Topa na cih uh ka thei kei hi. Tua tham loin Israel-te ka paisak kei ding hi,” a ci hi.

Daniel 4:30

Babylon khua bangzah takin lian ahi hiam? Kumpi khuapi ding le, ka vangliatna ka thahatna a kilat nadingin ka lam ahi hi, a ci hi.

Daniel 4:17

Hih pen a vil, a patau vantungmiʼ thukhenna ahi hi. Tua ahih ciangin mun khempeuh ah a om mi khempeuhte in, a Lian Pasian in miteʼ kumpi gamah vai a hawm hi, cih a thei ding uh hi. Amah in a teel peuhpeuh a neu pente nangawn kumpi a suaksak thei ding hi,’ a ci hi.

Late 125:3

Thuman mite a khialh khak loh nadingun amau a kipia leitang tungah migilote in amaute uk paisuak lo ding hi.

Isaiah 59:13

Nangmah hong lehdo-in nang kong nial uh a, na thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Jeremiah 5:12

“Amaute in Topa hong nial uh a, ‘Amah in bangmah hih lo ding hi. Eite tungah siatna hong tung lo dinga, gal ahi zongin kial ahi zongin i thuak kei ding hi.

Ezekiel 23:35

“Tu-in Topa Pasian in hih bangin gen hi: Nangmah in kei hong mangngilhin hong nungngat na hih manin na hukna le na paktatna hangin na thuak ding hi,” a hong ci hi.