Paunak 30:17 - Tedim Bible Revision 2017

¹⁷ A pa a simmawh mipa, a nuʼ thu a mang nuam lo mipa, va-ak in a mittang khelkhiat sakin musanete in a sa ne ding uh hi.

Tedim Bible

¹⁷ A pa a simmawh mipa, a nu’ thu a mang nuam lo mipa, va-ak in a mittang khel khiatsakin, musanete in a sa ne ding uh hi.

Paunak 30:17 Referans Kwoze

Paunak 23:22

Nangma pianna na paʼ thu ngai inla, na nu a teek ciangin simmawh bawl kei in.

Paunak 30:11

A pate samsia-in a min a daisak, a nute a phat lo mi pawl khat om hi.

Siampi Laibu 20:9

“Bang hang hiam cih leh a nu ahih kei leh a pa a samsia mi peuhmah kithat ding hi. Amah in a nu ahih kei leh a pa samsia khin a, ama sihna a mahmah ngawh ding ahi hi.

Paunak 20:20

Na nu le na pa na samsiat leh khuamial sunga om meivak kisumit na bang ding hi.

2 SAMUEL NIHNA 21:10

Tua ciangin Aiahʼ tanu Rizpah in a puanhampi la-in, an lak a kipan van panin amauʼ luanghawmte tungah guah a zuk dongin ama lup nadingin suangpi tungah a phah hi. Sunin huihlak vasate in ahi a, zanin gamsate in ahi zongin amauʼ luanghawmte a sukkhak loh nadingun a cing hi.

1 SAMUEL MASA 17:44

Filistia-pa in David kiangah, “Ka kiangah hong pai in. Huih lak vasate le gamlak gamsate tungah na sa ka pia ding hi,” a ci hi.

Thu-hilhkikna 28:26

Noteʼ luanghawmte pen huihlak a leeng vasate khempeuh le leitung a ganhingte khempeuhʼ an hi dinga, tuate a beng khia ding mihing om lo ding hi.

Paunak 15:20

Ta pilte in a pa lungdamsak a, ta haite bek in a nu simmawh hi.

Paunak 30:18

Ka theih zawh het loh a lamdang mahmah thu thum om a, eh! li hizaw:

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasem pa in a topa kihta hi. Kei pen na pa uh hi napi, bang hangin hong zahtak lo a, na topa uh hi napi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.