Paunak 30:12 - Tedim Bible Revision 2017

¹² Amaute a nin mahmah hi napi-in amauʼ muhna ah siang a kisa mahmah mi pawl khat om hi.

Tedim Bible

¹² Amaute a nin mahmah kim lai hi napi-in, amau’ muhna-ah siang a kisa mahmah mi pawlkhat om hi.

Paunak 30:12 Referans Kwoze

Luka 18:11

Farisi mipa dingin thu ngen a, ‘Pasian aw, kei pen midangte bangin a huaiham, a thuman lo, numei tungah a mawh mi ka hi kei hi; hua lai-a siahdongpa bang hi lo ka hih manin nangma tungah ka nuamna kong pulak hi.

Paunak 16:2

Mihingte pen a gamtatna uh ah man kisa a, ahi zongin Topa in a khenna khat na om hi.

2 TIMOTI NIHNA 3:5

biakna thu a puatham teng zui napi-in biakna hangin vangliatna thu a omte deih lo ding uh hi. Tua bangin a gamta mite na pelh in.

Jeremiah 2:35

nang in, ‘Kei ka mawh kei hi, kei tungah Pasian heh nawn lo hi,’ na ci hi. En in, ‘Kei ka mawh kei hi,’ na cih manin nang tungah thu kong khen ding hi.

Titu 3:5

amah in eite hong hon khia hi. Eite in na hoih i sep zawhna hangin hong hon khia hi loin eite tungah suahtakna le nuntakna thak a hong pia Kha Siangtho in hong sawp siangna hangin a hong hehpihna tawh a hong hon khia ahi hi.

Luka 16:15

Jesu in amaute kiangah, “Mite in note a man penin hong ngaihsut theih nadingin na om uh a, ahi zongin Pasian in na lungsim tawng uh a hong thei hi. Bang hang hiam cih leh mihingte in a manpha mahmah in a ngaihsutte pen Pasian in bangmahin sim lo hi.

Ezekiel 36:25

Note tungah tui siangtho kong theh dinga, na milim biakna uh le note hong ninsak na dang khempeuh panin kong siangsak ding hi.

Isaiah 65:5

“Note kiang panin kote hong kituam koih ahih manin kihem khia unla, ko kiangah hong pai kei un,” ci-in midangte tungah a gen mite - hih bang mite khempeuh a sang dingin a beisa hun sungah ka kiging tawntung hi. Hih bang mite ka thuak zo nawn kei hi. Amaute tungah ka hehna pen a mit ngei lo meikuang tawh kibang hi.

Paunak 21:2

Na gamtatna khempeuh nangmah in man na sak hangin Topa in na lungsim tawng a et telna phawk in.

1 KORIN MASA 6:11

Note pawl khat, tua bangin na gamta uh hi. Ahi zongin note pen i Topa Jesu Khris le i Pasianʼ Kha Siangtho hangin mawhna panin a hong kisiangsak khin sa, Pasianʼ tungah a kipia sa, Pasian tawh a kipawl sa mite na hi uh hi.

Zekhariah 13:1

“Tua ni hong tun ciangin Davidʼ suanlekhakte le Jerusalem khua miteʼ mawhna le nitna teng khempeuh a silsiang dingin tuinak khat hong phul ding hi.

Jeremiah 4:14

Jerusalem khua aw, nang hong kihotkhiat nadingin na lungsim sung panin gitlohna sawp khia in. Na sungah gitlohna lungsim bang tanvei kemcip ding na hi hiam?

Isaiah 1:16

Note kisil tawm unla, a siangtho-in kibawl un. Keima muhna ah na gamtat siatnate uh pai khia-in, siatna na bawlte uh khawl un.

Late 51:7

Puknah tawh hong nul in; kei ka siang ding hi. Hong sil in; vuk sangin ka ngo zaw ding hi.

Late 51:2

Ka khialhna panin hong silsiang kiuhkeuh inla, ka mawhna panin kei hong siangsak in.

Late 36:2

Bang hang hiam cih leh ama mawhna kidawk khia lo a, muhdahna thuak lo ahih manin amah kimawk phat tawm hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,

JOB (Job) 33:9

Nang in, ‘Kei ka mawh kei a, ka gamta khial kei hi. Ka paubaang kei a, mawhna ka su kha kei hi.

Thukhente 17:13

Tua ciangin Mikah in, “Topa in kei hong daupaisak ding hi, ci-in tu-in ka thei hi; bang hang hiam cih leh siampi-in Levi mite khat ka nei ta hi,” a ci hi.

Thukhente 17:5

Tua mipa Mikah in biakna phual khat nei a, amah in siampi puan khat le inn sung pasian-te bawlin siampi a suak dingin a tapate khat a koih hi.

Hosea 12:9

Egypt gamah na om lai pek uh a kipanin kei pen noteʼ Topa Pasian ka hi a, ahi zongin tu-in tanglai hun bangin puanbuk sungah note kong teengsakkik ding hi.