Paunak 30:11 - Tedim Bible Revision 2017

¹¹ A pate samsia-in a min a daisak, a nute a phat lo mi pawl khat om hi.

Tedim Bible

¹¹ A pate samsia-in a min a dai sak a, nute a phat lo mi pawlkhat om hi.

Paunak 30:11 Referans Kwoze

Paunak 20:20

Na nu le na pa na samsiat leh khuamial sunga om meivak kisumit na bang ding hi.

Paunak 30:17

A pa a simmawh mipa, a nuʼ thu a mang nuam lo mipa, va-ak in a mittang khelkhiat sakin musanete in a sa ne ding uh hi.

Thu-hilhkikna 27:16

“‘A nu ahi a, a pa ahi zongin a zahtak lo mipa in gimna ngah tahen,’ ci ding uh hi. Tua ciangin mi khempeuh in, ‘Amen,’ ci ding uh hi.

Paikhiatna 21:17

“Ama pa hitaleh ama nu hitaleh a samsia mi peuhmah kithat ding hi.

Siampi Laibu 20:9

“Bang hang hiam cih leh a nu ahih kei leh a pa a samsia mi peuhmah kithat ding hi. Amah in a nu ahih kei leh a pa samsia khin a, ama sihna a mahmah ngawh ding ahi hi.

1 TIMOTI MASA 5:8

Mi khatpeuh in a beh a phung, a diakdiakin a innkuan sung mite a vak nop kei leh a upna a nusia hi ta a, thu um lo mite sangin sia zaw lai hi.

1 TIMOTI MASA 5:4

Meigong numei khatpeuh in tate ahi a, tute ahi zongin a neih leh innkuan sungah biakna tawh kisai-in tavuan a neihna uh hilh inla, a nu a pa, a pu a pite a huh nadingun gen in. Hih bang gamtatna pen Pasianʼ muhna ah a hoih thu ahi hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasianʼ hehna panin na suahtak theih nading uh kua in hong hilh khol ahi hiam?

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasem pa in a topa kihta hi. Kei pen na pa uh hi napi, bang hangin hong zahtak lo a, na topa uh hi napi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Paunak 23:22

Nangma pianna na paʼ thu ngai inla, na nu a teek ciangin simmawh bawl kei in.