Paunak 30:10 - Tedim Bible Revision 2017

¹⁰ Sila khat a topa kiangah gensia kei in; amah in nang hong gensia-in gimna na thuak kha ding hi.

Tedim Bible

¹⁰ A topa kiangah sila khat gensia kei in; amah in nang hong gensia-in, gimna na thuak kha ding hi.

Paunak 30:10 Referans Kwoze

ROM (Romans) 14:4

Mi khatʼ nasemte tungah kua in thu khen thei ding na hi uh hiam? A gina le a gina lo a khen ding pa pen amauʼ Topa ahi hi. A Topa un hoih hi, a cih leh a kipsak zawh nading vangliatna nei ahih manin a kip hi lel ding uh hi.

Thuhilh-sia 7:21

Miʼ gen khempeuh thudon kei in. Na nasem paʼ hong samsiatna na za kha ding hi.

Daniel 6:24

Tua ciangin kumpipa in Daniel a hek teng khempeuh a zi a ta ciat uh tawh humpinelkai kikhumna sungah khiat dingin thu a pia hi. Amaute humpinelkai kikhumna taw a tun ma-un humpi-nelkaite in bak khat suahin a guh a tangin a balzan gawp uh hi.

Daniel 6:13

Tua ciangin amaute in kumpipa kiangah, “Judah gam panin a hong pai Jew mi salte khat ahi Daniel in kumpipa hong zahtak lo a, na thupiakna a mang nuam kei hi. Nisimin thum vei ta thu a ngen tawntung hi,” a ci uh hi.

Paunak 28:27

Mizawng a huhte cimawh ngei lo dinga, huhna a pia nuam lote in samsiatna ngah ding hi.

Paunak 11:26

An man khan ding ngakna-in a zuak nuam lote kisamsia a, lei nop hunin a zuak pahte kiphat hi.

1 SAMUEL MASA 30:15

Tua ciangin David in ama kiangah, “Hih mite kiangah nong paipih suk nuam ding hiam?” a ci hi. Amah in, “Nangmah in kei nong thah loh nading ahi a, ka topaʼ khut sungah nong apkik loh nading ahi zongin Pasianʼ min tawh kei tungah hong kiciam peuh lecin hih mihonte kiangah nang kong paipih suk ding hi,” a ci hi.

1 SAMUEL MASA 26:19

Tua ahih ciangin tu-in ka to kumpipa in a nasem paʼ thu za in. Keimah a do dingin nang hong tok suah pa pen Topa ahihleh amah in biakna hong sang tahen; ahih hangin mihing ahihleh amaute in Topaʼ mai ah samsiatna ngah tahen. Bang hang hiam cih leh amaute in, ‘Pai in; pasian dangteʼ na sem in,’ ci-in Topaʼ gamh ka ngah loh nadingin tu ni-in kei hong hawl khia uh hi.

1 SAMUEL MASA 24:9

Tua ciangin David in Saul kiangah, “Bang hangin, ‘En in, David in na siat nading zong hi,’ a ci miteʼ thu um na hi hiam?

Thu-hilhkikna 23:15

“A topaʼ kiang panin no kiangah a hong tai sila, a topa kiang mahah na apkik kei ding uh hi.

Thu-hilhkikna 15:9

Na lungsim uh ah ngaihsutna hoih lo omin, ‘Kum sagihna, maisakna kum hong nai hi,’ ci-in na sanggampa galmi et-in amah bangmah na piak loh uh ciangin na lang khat ah Topaʼ tungah amah kiko-in, no tungah khialhna a suahkhak ding kingaihsun un.

Piancilna 8:21

Topa in a namtui gimnam a zak ciangin, a lungsim sungah, “Mihingʼ gamtatna hangin leitang ka samsiakik ngei nawn kei ding hi. Bang hang hiam cih leh mihingʼ lungsim ngaihsutna pen a tangval lai panin a gilo hi mawk hi. Tu-a ka hih bangin nuntakna a nei khempeuh zong ka susia ngei nawn kei ding hi.