Paunak 3:5 - Tedim Bible Revision 2017

⁵ Na lungsim khempeuh tawh Topa muang inla, nangʼ theihna suang kei in.

Tedim Bible

⁵ Na lungsim khempeuh tawh Topa muang in la, nang’ theihna suang kei in.

Paunak 3:5 Referans Kwoze

Late 37:5

Topa tungah na vai teng ap in. Amah muang in; amah in hong sem ding hi.

Paunak 28:26

Ei le ei kimuanna haina hi a, mipilteʼ hilhna zuihna pen lungmuanna ahi hi.

Late 37:3

Topa muang inla, gamtat hoih in. Gam nuamah teeng inla, thumanin om in.

Late 62:8

Mite aw, amah muang tawntung unla, na lungkhamna teng uh ama tungah gen un. Pasian, eiteʼ bukna ahi hi.

Isaiah 12:2

En in, Pasian pen kei a hong hon khia pa ahi hi. Amah ka muang dinga, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong hon khia pa ahi hi,” a cih hun uh hong tung ding hi.

Late 37:7

Topaʼ mai ah khawl dide inla, lungduai takin ngak in. Ahihna a daupai pa tung le siatna a bawlpa tungah kilung so tawmsak keʼn!

Paunak 3:7

Nangmah a pilin kingaihsun tawm kei inla, Topa zahtakin a sia peel in.

Jeremiah 10:23

Topa aw, mihingʼ om dan ama uk theih ahih lohna ka thei ta a, ama kalsuan nading ama geel theih hi lo hi.

ROM (Romans) 12:16

Mi deidan loin a kibangin en un. Kiphasak loin mi neute tawh kikhawl thei unla, kipilsak se kei un.

Late 125:1

Topa a muang mite pen liing het loin a om tawntung Zion Mual tawh kibang hi.

Jeremiah 9:23

Tua ciangin Topa in, “Mipilte in a pilna uh kisaktheih pih kei uh henla, mihatte in a hatna uh kisaktheih pih kei uh hen. Mihaute in zong a hauhna uh kisaktheih pih kei uh hen.

Paunak 22:19

Tua hileh Topa muanin na nei ding uh a, tu ni-in noteʼ phattuam nading kam a pau ka suak ding hi.

JOB (Job) 13:15

Pasian in kei hong that mah taleh zong, phamawh ka sa kei hi. Ahi zongin ama mai ah ka thu ka gen veve ding hi.

Paunak 23:4

Hauh nop man bekin sumʼ sila suak kei unla, a man loin gamta kha kei un.

Efesa 1:12

Tua ahih manin Khris a muang masa eite in Pasian phatin a minthanna vang kilangsak ni.

Gamlak-vakna 9:20

Biakbuk tungah ni tawmno sung bek meii om thei zel hi. Tua bang ciangin zong Topaʼ thupiak bangin giahphual ah amaute tawmno sung mah omin, Topaʼ thupiakna bangin amaute a ding khia uh hi.

Gamlak-vakna 9:22

Ni nih ahi a, kha khat ahi a, a hun sau zaw ahi zongin biakbuk tung sanah meii a khawl lai teng giahphual ah Israel mite omin ding khia lo uh a, ahih hangin a kilaktoh peuh ciangin amaute ding khia uh hi.

Ezra 8:23

Tua hi a, kote in an ka tang uh hi. Nuam takin khual ka zin theih nading uh i Pasianʼ tungah ka ngen uh a, amah in ka thungetna uh hong pia hi.