Paunak 3:3 - Tedim Bible Revision 2017

³ Thumanna le cihtakna khahsuah ngei kei inla, na ngawng ah tuate okin, na lungtang tungah gelh in.

Tedim Bible

³ Thumanna leh cihtakna khahsuah ngei kei in la, na ngawng-ah tuate ok in, na lungtang tungah gelh in.

Paunak 3:3 Referans Kwoze

2 KORIN NIHNA 3:3

Hih lai pen Khris mahmah in gelhin kote a hong puasak ahihna thu kitel mahmah hi. Laidal le suangpek tungah laitui le laikung tawh a kigelh hi lo a, mihing lungtang tungah a nungta Pasian Kha Siangtho tawh a kigelh ahi hi.

Paunak 7:3

Kong hilhnate kem tawntung inla, na lungtang tungah gelh in.

Hebru 10:16

“Topa in hih bangin ci hi: Mailam hunah amaute tawh thuciamna khat ka bawl dinga, amaute sungah ka thukhamte guanin, amaute lungtang tungah ka gelh ding hi,” a cih khit ciangin,

Paunak 6:21

Amauʼ hong thugente phawk tawntung inla, na lungsimah ciamteh niloh in.

Malakhi 2:6

Amaute in thuman taktakte mah hilhin gen uh a, amauteʼ kam panin zuau thu ging khia lo hi. Ka deihna bangin amaute gamta uh a, a khial ding mi tampite, thuman lamah a paisak uh hi.

Efesa 5:9

Bang hang hiam cih leh khuavak sunga omna in a hoih, a man, a thutakte hong piangsak hi.

Paunak 16:6

Thumanna le cihtakna mawhmai ngahna hi a, Topa zahtakna siatna tawh kipelhna ahi hi.

Paunak 20:28

Kumpipa in thuman, thutang, citakin a uk lai teng a kumpi za ah kip bek hi.

Paunak 1:9

Tua thuhilhnate in na gamtat hong hoihsak dinga, kizepna lukhu le kizepna khi bangin hong etlawmsak ding hi.

Late 119:11

Nangma tungah kong khialh loh nadingin ka lungsim sungah nangma thu ka khol hi.

Late 25:10

Ama thuciamna le a thupiak a zuite adingin Topaʼ lampi pen itna kip le cihtakna ahi hi.

Paikhiatna 13:9

Na kam un Topaʼ Thukham a gen tawntung theih nadingin hih pen na khut tung uh ah lim, na taltang tung uh ah phawkna khat hi ding hi. Bang hang hiam cih leh Topa in a vangliatna tawh hih mun panin note hong paikhiatpih hi.

Jeremiah 17:1

Topa in a genna ah, “Judah miteʼ mawhna sik laikung khat tawh kigelh hi. Suang manpha mukzum tawh amauteʼ lungtang peek tung le biakna tau kite tungah khuakin ki-at hi.

Thu-hilhkikna 6:8

Na khut tung uh ah lim dingin tuate na hen ding uh a, na mitte uh kikalah tuate pen talsuante bang hi ding hi.

Hosea 4:1

Israel mite aw, Topaʼ thugen ngai un. Hih gam sungah a teeng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Mattiu 23:23

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in Pasian tungah lengmasel, masala le kummin sing namtui a kipanin meh namtui nam khempeuh, sawm-ah-khat pia napi-in, thukham sungah a thupi zaw ahi thutang, hehpihna le thumante na don kei uh hi. A dangte nusia tuan loin hih thute na zuih ding uh ahi hi.

2 SAMUEL NIHNA 15:20

Nang pen zan mah bek a hong pai na hi hi. Koi lai munah kei pai ding cih thei lopi-in kote tawh a kawi vak dingin nang hong bawl ding ka hi hiam? Ciahkik in, na sanggamte ciahpih in. Topa in itna kip le thumanna nangʼ tungah hong lak tahen,” a ci hi.

Late 85:10

Itna kip le thutak kigawm dinga, thuman le kilemna kihual ding uh hi.

Paunak 14:22

Na a hoih a semte mite in muangin zahtak a, a sia gamtatna pen khialhna lianpi ahi hi.

Paikhiatna 34:6

Ama mai ah Topa pai-in, “Topa, Topa, hehpihna nei-in a dik Pasian; lungduai-in itna kip le thutakna tawh a dim;