Paunak 3:21 - Tedim Bible Revision 2017

²¹ Ka ta aw, pilna le thu ngaihsut theihna len tawntung inla, cikmah ciangin khahsuah ngei kei in.

Tedim Bible

²¹ Ka ta aw, pilna leh thu ngaihsut theihna len tawntung in la, cik mah ciangin khahsuah ngei kei in.

Paunak 3:21 Referans Kwoze

Joshua 1:8

Hih thukham laibu na mangngilh ngei kei ding hi. A sunga kigelh thute khempeuh tawh kizui-in na gamtat theih nadingin sun le zanin na lung ngaingai ding hi. Tua hileh na maa vang dinga, na nasep tangtung ding hi.

Paunak 4:21

Na kiang panin pai khiasak kei inla, na lungsimah ciamteh in.

Thu-hilhkikna 4:9

“Na mit un a muh sa nate na nuntak sungun mangngilh kha-in, na lungsim panun paikhia kha ding ahih manin limtakin ngaihsunin hoihtakin kikem un. Horeb-a Topa na Pasian uh mai ah na din ni-un Topa in kei kiangah, ‘Leitungah a nuntak lai teng uh amaute in kei hong kihtak nading le amaute in a tate uh a hilh sawn theih nadingun keimah in amaute tungah ka thute ka zaksak theih nadingin ka kiangah mite hong khawm in,’ hong cihna thu, na tate uh le na tate uh tateʼ tungah kitheisak un.

1 JOHAN MASA 2:27

Khris in note tungah ama Kha Siangtho hong pia khin a, tua Kha Siangtho na neih lai teng uh kuamah in note hong hilh ding kisam nawn lo hi. Bang hang hiam cih leh Kha Siangtho in note tungah thu khempeuh hong hilh a, tua a hong hilh thute a man vive hi a, zuau thu khat zong om lo hi. Tua ahih manin Kha Siangthoʼ hilhnate zui unla, Khris sungah kip takin om un.

Johan 8:31

Tua ahih manin amah a um Jew mite kiangah Jesu in, “Ka thuhilhnate na zuih paisuak nak uh leh ka nungzui taktakte na hi ding uh hi.

Paunak 2:7

Pasian in thuman mite pilna guan a, midikte a hu hi.

1 JOHAN MASA 2:24

Note in ahihleh a kipat cil a kipan na zak uh thute hoihtakin na zui un. A kipat cil a kipan na zak uh thute hoihtakin na zuih nak uh leh Tapa tawh kipawlin, Pa Pasian tawh zong a kipawl na hi ding uh hi.

Paunak 1:4

Thu thei nai lote in a theih nading, khangnote in pilna le thu ngaihsut theihna a ngah nading.

Paunak 5:2

Tua hileh a kilawmin na gamtatzia ding na thei dinga, na kampaunate in na pil lamtak hong kilangsak ding hi.

Paunak 8:14

Thu geelin ka sem khia a, thu theihtelna nei-in, kei ka thahat hi.

Paunak 18:1

Midangte tawh a kipawl thei pha lote amah bek thupi a kisate hi a, midangteʼ cih khempeuh man a sak khat beek om lo hi.

Paunak 4:6

Pilna nusia kei in; tua hileh siatna panin nang hong hu ding hi. Pilna deih in; tua hileh lungmuang takin na om nadingin hong kem ding hi.

Paunak 19:8

Pilna a zong pa in ama phattuam nading a zong hi a, thu a thei mipaʼ sepna maavang ding hi.