Paunak 3:20 - Tedim Bible Revision 2017

²⁰ Ama pilna in gun tuite luangsak a, meiite in leitungah guah zusak hi.

Tedim Bible

²⁰ Ama pilna in guntuite luangsak a, meiite in leitungah guahzu sak hi.

Paunak 3:20 Referans Kwoze

Piancilna 7:11

Noahʼ nuntak kum za guk kum, a kha nihna, tua kha ni sawm le sagih ni-in van a om a thuk mahmah tuikhukte puakkhamin, vantung tawlette kihong hi.

Piancilna 27:28

Pasian in na tungah vantung daitui hong pia henla, na lote hoihsak tahen. An le leenggahzu tampi hong pia tahen.

Piancilna 1:9

Pasian in, “Vantungte nuai-a om tuite mun khat ah kikhawm henla, lei keu kidawk hen,” ci hi. Tua mah bangin a piang pah hi.

Joel 2:23

“Zion mite aw, kipak unla, Topa na Pasian uh tungah lungdam ta un. Note in an na hauh theih nadingun nidang a bangin khuapi guah, tuk guah le phalbi guah, a hoihbek zah hong zusak hi.

Jeremiah 14:22

Gamdang pasian zuauteʼ lakah guah a zusak thei om ahi hiam? Tua ahih kei leh zong vantungmi in ama thu-in guah zu tawmsak thei ahi hiam? Tua bang a hih thei nang bek hi lo na hi hiam? Topa koteʼ Pasian aw, nangmah in tuate khempeuh hih na hih manin nangma sungah lametna kong nei uh hi.

Thu-hilhkikna 33:28

Tua ahih ciangin Israel mite lungmuangin om ding uh hi. Jakob suante bek an le leenggahzu gamah om hi. Hi taktak hi, a vantungte in daitui hong khiat suk hi. Israel aw, mi nuamsa na hi hi. Nang hong kihuhna lum le na gualzawhna lum le na gualzawhna namsau ahi Topa in nang banga a hotkhiat mi kua om ahi hiam?

Paunak 8:24

Tuipite a om ma-in kei ka suak khin a, keiʼ suah hunin lui tuite om nai lo hi.