Paunak 3:2 - Tedim Bible Revision 2017

² Kong thuhilhte in na khan hong sausak dinga, hong daupaisak ding hi.

Tedim Bible

² Kong thuhilhte in na khan’ hong sausak ding a, nang hong daupai sak ding hi.

Paunak 3:2 Referans Kwoze

Paunak 4:10

Ka ta aw, ka thugente limtakin zui in. Tua hileh na khansau ding hi.

Paunak 9:11

Pilna in na khang hong khan dinga, na nuntakna hong sausak ding hi.

Late 91:16

Nuntak sau tawh amah ka lungkimsak dinga, amah ka hon khia ding hi.

ROM (Romans) 15:13

Kha Siangthoʼ huhna tawh noteʼ lametna a khan semsem theih nadingin, lametna a hong pia thei Pasian in, amah na upna uh hangin lungdamna le nopsakna tawh note hong kidimsak tahen.

Late 128:6

Na tute a mu dingin hong siam tahen. Israel tungah nopna om tahen!

Late 119:165

Nangma thu a deihte in lungnopna lianpi ngah uh a, amaute a tuksak zo ding bangmah om lo hi.

Paunak 10:27

Topa zahtakna in khan sausak a, migilote khansih hi.

1 TIMOTI MASA 4:8

Pumpi kisekin kisinna manpha hi. Ahi zongin kha thu ah kisekin kisinna pen tu hun laitak le a hong tung ding hunah nuntakna hong pia thei ahih manin manpha zaw lai hi,

ROM (Romans) 5:1

Tu-in upna hangin Pasian tawh kipawl khinta ihih manin i Topa Jesu Khris hangin Pasian tawh a kilemkik ta ihi hi.

Late 21:4

Nangma tung panin amah in nuntakna hong ngen a, ama tungah nuntak sau na pia hi.

ROM (Romans) 14:17

Bang hang hiam cih leh Pasianʼ Ukna pen nekledawn tawh a kisai thu hi lo a, Kha Siangtho hangin i ngah Pasianʼ deih bangin gamtatna, kilemna, lungdamna, cihte hizaw hi.

Isaiah 32:17

Tua ciangin thumanna hangin nopna om dinga, thumanna hangin daihna le lungmuan tawntungna om ding hi.

JOB (Job) 5:26

A hun ciangin ancilna phualah buhlom a tun mah bangin teek sihin han na zuan ding hi.

1 KUMPI MASATE 3:14

Na pa David in a tot bangin nangmah in ka lampite tawnin, ka thukhamte le ka thupiaknate na zuih nakleh na khan ka sausak ding hi,” a ci hi.

Paunak 16:31

A teekteʼ sam kang minthanna lukhu hi a, thumanin nuntakna tawh a ngah ahi hi.

Thu-hilhkikna 5:32

“Tua ahih ciangin Topa na Pasian un note hong thupiak bangin na gamtat ding uh na kingaihsun ding uh a, ama thu panin taklam hitaleh veilam hitaleh ah na pial kei ding uh hi.

Paunak 4:4

ka pa in thu hong hilh a, “Ka thugente ciamteh inla, mangngilh kei in. Kong gen bangin gamta in; tua hileh na nungta ding hi.