Paunak 29:5 - Tedim Bible Revision 2017

⁵ A man lopi-in mi khat mawk phatna pen a awk nadingin thangsiahna ahi hi.

Tedim Bible

⁵ A man lopi-a mi khat mawk phatna in, a awk nadingin thangsiahna ahi hi.

Paunak 29:5 Referans Kwoze

Hosea 5:1

No siampite aw, hih thu ngai un! No Israel mite aw, thudon un. Kumpipaʼ innkuante aw, ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih le note in miteʼ awk nadingin Mizpah mualah thang na siah uh a, miteʼ awk nadingin Tabor mualah ngenthang na hi uh hi.

Late 12:2

Mi kim in a veengte kiangah zuau thu gen ciat a, phat khemna kam zol le lungsim nam nih tawh thu a gen uh hi.

Late 5:9

Bang hang hiam cih leh amau sungah thuman om lo hi. Amau lungsimah siatna bek ngaihsun uh a, amau gawlgui pen a kihong sa hankhuk tawh kibang hi. A kam uh tawh mawk phat uh hi.

JOB (Job) 17:5

Paunak ah, sum ngah nop manin mi khat in a lawmte a heek leh, ama tate in tua gitlohna thaman thuak hi, kici hi.

1 THESALONIKA MASA 2:5

Tua ahih manin note in na theih uh mah bangin miteʼ lungdam theih nading phatna kamte ka zang kei uh a, koteʼ phattuam nading ngaihsutna tawh zong bangmah ka sem het kei uh hi. Hih bang ka hihna uh Pasian in hong thei hi.

ROM (Romans) 16:18

Tua bang mite in i Topa Khrisʼ na a sem hi loin, gilpi vai bek a sem uh ahi hi. Amaute in mite phatin kam khum nono zang uh ahih manin mihoih pawl khat a khem zo uh hi.

Kah la 1:13

Amah in vantung panin meikuang hong khia suk a, ka sung lam a hong kang hi. Amah in thang hong siah a, awkin leilak ah ka kipuk hi. Tua bangin natna ka thuak tawntung hi.

Paunak 26:28

Zuaugenna in midik kimlai a mawh bangsak a, tungtham bek a thugenna in siatna bek piangsak hi.

Paunak 20:19

Mi a gen sia kawikawite in thu im thei lo hi. Tua banga mihai paute tawh kikhawl kei in.

Paunak 7:21

Tua ahih manin kam khum kam neel tawh amah zol a, tangvalpa in tua zolna a mang kha hi.

Paunak 7:5

Tua hileh midangteʼ zi tungah na khialh khak loh nading, kam khum tawh a hong zol numei gina lote tawh na khialh khak loh nadingin hong hu ding hi.

Paunak 1:17

I mat nop vasateʼ muhtangpi-in, i siahna ngenthang zaak leeng a mawkna ahi hi.

Late 36:2

Bang hang hiam cih leh ama mawhna kidawk khia lo a, muhdahna thuak lo ahih manin amah kimawk phat tawm hi.

Paunak 28:23

Mi khat tai-in thuhilh lecin tungtham a phatna sangin a tawpna ah lungdam zaw ding hi.

1 SAMUEL MASA 18:23

Saulʼ nasemte in David kiangah hih thute gen uh hi. David in, “Kei pen mizawng hi-in a zahtakhuai lo ka hihna mu napi-in kumpipaʼ makpa suah ding a thuneu sa na hi uh hiam?” a ci hi.