Paunak 29:2 - Tedim Bible Revision 2017

² Midikte in gam a uk ciangin gam mite lungdam uh a, migilote in a uk ciangin a gam mite thum uh hi.

Tedim Bible

² Midikte in gam a uk ciangin gam mite lungdam a, migilote in a uk ciangin a gam mite thuum uh hi.

Paunak 29:2 Referans Kwoze

Paunak 28:12

Mihoihte in vangliatna a ngah ciangin mi khempeuh lungdam uh a, migilote a liat ciangin a dangte in gimna thuak uh hi.

Paunak 11:10

Midikte a tuahphat ciangin khua sungah lungdamna om a, migilote a sih ciangin zong khua sungah lungdamin kikona a om hi.

Paunak 28:28

Migilote a liat ciangin midangte bucip uh a, amaute a za kiat ciangin midikte in ukkik ding hi.

Esther 8:15

Tua ciangin kumpi puan a san le a kang silhin, kham tawh kibawl kumpi lukhu lianpi khu-in, saihadial puan neel le puan san silh sa-in kumpipaʼ omna panin Mordekai paikhia hi. Tua ciangin Susa khuapi sung mi khempeuh lungdamin awng uh hi.

Thuhilh-sia 10:5

Hih leitungah a thuman lo gam ukteʼ piansak ka muhte:

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Esther 3:15

Kumpipaʼ thupiakna tawh laitaite kinawh sawl a, hih thupiakna pen kumpi khua Susa khuapi panin a kihawm khia ahi hi. Kumpipa le Haman zu ne-in om hithiat uh a, ahi zongin Susa khuapi sung buai mahmah hi.

Mattiu 2:16

Nisuahna lam panin a hong pai mipilte in amah a khem lamtak Herod in a theih ciangin a heh suak mahmah hi. Tua mipilte tung panin aksi a kilat hun a dotna tawh kizui-in, Bethlehem khua le a kiim a om naungek kum nih ciang le a nuaisiah khempeuh a that dingin a galkapte a sawl hi.

Mattiu 2:3

Kumpi Herod in hih thu a zak ciangin lamdang sa mahmah a, Jerusalem khuami khempeuh in zong lamdang a sa ciat uh hi.

JOB (Job) 34:30

Migilote hong uksak taleh zong, tua panin suahtak nading kuamah in vaihawm zo lo ding hi.

Paunak 28:15

Mizawngte a uk migilo pa pen humpinelkai gilkial le vompi halungvei tawh kibang hi.

Thuhilh-sia 10:6

Mihaite, zalianpi kipia a, mihaute kiniamkoih suk hi.

Thuhilh-sia 4:1

Tua ciangin leitungah thuman loin a kigamtatnate khempeuh ka ngaihsunkik leuleu hi. Nenniamna a thuak mite kap uh a, ahi zongin kuamah in amaute hehnem lo uh hi. A nengniam mite thahat lua uh ahih manin kuamah in thuk ngam lo hi.