Paunak 29:1 - Tedim Bible Revision 2017

¹ Kihilh napi-in a mang nuam lote bawl phat zawh nawn loh dongin kisia ding uh hi.

Tedim Bible

¹ Kihilhhilh napi-a a mang nuam lote, bawl phatkik zawh nawn loh dongin kisia ding hi.

Paunak 29:1 Referans Kwoze

Paunak 6:15

Tua ahih manin theih kholh lohin ama tungah lungkhamna tung dinga, bawlkik zawh nawn loh dongin siatna ngah ding hi.

1 SAMUEL MASA 2:25

Mi khat midang khat tungah a khialh le ama adingin thukhente in palai sem ding hi. Ahih hangin mi khat Topaʼ tungah khial leh ama adingin kua in va thumsak ding ahi hiam?” a ci hi. Ahih hangin amaute in a paʼ thu ngai lo uh hi. Bang hang hiam cih leh tua pen amaute a thah nadingin Topaʼ deihna ahi hi.

Paunak 28:18

Thumanin a gamta mite lungmuangin om ding uh a, a zuau tat mite ahihleh puk ding uh hi.

Johan 13:18

“Hih bangin ka hong genna in note khempeuh hong huam kim lo hi. Ka teel sa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

Johan 13:26

Jesu in, “Anlum, meh sungah diahin ka piak ding pa ahi hi,” a cih khit ciangin a anlum diahin Simon Iskariotʼ tapa Judas a pia hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhat thu-in amaute tungah siatna hong tung vat ding hi. Nausuah natna bangin gimna thuak ding uh a, kuamah suakta lo ding uh hi.

Sawltak 1:18

(“Tu-in hih mipa in a gitloh gamtatna thamanin a ngah sum tawh amah in lo khat lei a, tua lo sungah kia-in a si hi. Amah kitamzan a, a sungkua khempeuh kitheh kek hi.

Nehemiah 9:29

Tua hi a, na thukham lamah amaute hong kiheikikna ding limtakin na hilh a, ahi zongin amaute kihisakin na thupiaknate don lo uh hi. A zuite tungah nuntakna a pia thei ahi na ngeina kip tungah amaute khial uh hi. Lungkhauhin phengphi-in amaute kihei khia uh a, thu mang nuam lo uh hi.

2 KHANG TANGTHU NIHNATE 36:13

Pasian tawh amah a kiciamsak kumpi Nebukhadnezzar zong amah in lehdo hi. Israel Pasian, Topaʼ kiang zuankik nuam lo a, zong kisik nuam loin a lung khauhsak hi.

2 KHANG TANGTHU NIHNATE 33:10

Topa in Manasseh tung le ama mite tungah thu gen a, ahih hangin amaute in don lo uh hi.

1 KUMPI MASATE 22:28

Tua ciangin Mikaiah in, “Lungnuam takin nong ciahkik leh Topa in keiʼ tungtawnin thu hong gen lo ahi hi,” a ci hi. Tua ciangin amah in, “A kuamah peuh in hih ka thugen za un,” ci thuah lai hi.

1 KUMPI MASATE 18:18

Amah in dawngin, “Keimah in Israel mite ka lungkhamsak kei hi. Nang in Topaʼ thupiaknate nusia-in Baal-te zui na hih manin nang le na paʼ innkuan in na lungkhamsak uh hi.

1 KUMPI MASATE 17:1

Tu-in Gilead gam sung Tishbe khua panin Tishbe mi Elijah in Ahab kiangah, “A mai ah ka dinna Israel Pasian, Topa a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

1 SAMUEL MASA 2:34

Na tapa nihte, Hofni le Finehas tungah hong tung ding hih thu pen nang adingin lim hi ding hi. Amau tegel a ni kikhatin si ding uh hi.

Jeremiah 17:23

Ahih hangin na pu na pate un ka thu hong ngai lo uh a, a bil uh hong ngat lo uh hi. Ka thu hong mang lo uh a, ka hilhna a theih loh nadingun a lungsim uh a khauhsak uh hi.

Isaiah 48:4

Note pen paupeeng in na ngawng uh sik thagui bang hi a, na thatang uh sumngo bangin a sakna thei khin ka hih manin,

2 KHANG TANGTHU NIHNATE 25:16

Ahih hangin amah in thu a gen laitakin kumpipa in ama kiangah, “Kumpipa tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsang pa khawl a, ahih hangin ama kiangah, “Hih bang gamta-in ka thugenna ngai lo na hih manin Pasian in nang hong suksiat ding a lungsim a khensatna ka thei hi,” a ci hi.

1 KUMPI MASATE 20:42

Tua ciangin amah in ama kiangah, “Topa in hih bangin ci hi: ‘Thah dinga ka seh mipa khah na hih ciangin ama nuntakna tangin nangma nuntakna, ama miteʼ tangin nangma mite pai ding hi,’ ci hi,” a ci hi.

JOB (Job) 9:4

Amah pil mahmah a, vanglian mahmah hi. Kua in khauh takin nial a, nial paisuak zo ahi hiam?

Paunak 28:28

Migilote a liat ciangin midangte bucip uh a, amaute a za kiat ciangin midikte in ukkik ding hi.

Jeremiah 36:31

Amah le a suanlekhakte le a nasemte a mawhna uh hangin gim ka pia dinga, ama tung le Jerusalem khua-a teengte tung a kipan Judah miteʼ tungah amauʼ tungah tunsak dingin ka gen sa gimna khempeuh ka tungsak ding hi. Bang hang hiam cih leh amaute in ka thu hong ngai lo uh hi,’ ci-in va gen in,” ci-in kei a hong sawl hi.

Habakkuk 2:7

Note in na phawk ma-un note mahmah leiba neite na suak ding uh a, na leiba uh a meet hong kisungsak ding hi. Galte in note hong liingsak keuhkeuh dinga, na nate uh hong laksak mang khin ding hi.

Paikhiatna 9:7

Faro in a en dingin mi sawl a, Israel-teʼ ganhing khat zong na si lo hi. Ahih hangin Faroʼ lungsim khauh lai a, amah in mite paisak lo hi.

Paunak 28:14

Topa a zahtak tawntungte pen mi nuamsa hi a, a lungkhauh mite in lungkhamna tuak ding uh hi.

Isaiah 28:22

Tua ahih ciangin tu-in, note hong kikhihna a to mahmah in kibawl kha ding ahih manin thusim loin om kei un. Bang hang hiam cih leh mihonpiteʼ Topa Pasian’ tung panin gam buppi ah siat nading thukhenna ka za khin hi.

Jeremiah 14:19

Topa aw, nangmah in Judah gam nial siang khinzo na hi hiam? Zion khua kihhuai sa na hi hiam? Bang hangin kote liamna hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi. Dam nading hun ka lamen uh a, lauhuaina bekbek ka mu uh hi.