Paunak 28:5 - Tedim Bible Revision 2017

⁵ Mi siahuaite in thutang cih mel thei lo uh a, Topa a biate in ahihleh a kicingin a thei uh hi.

Tedim Bible

⁵ Mi sia-huaite in thutang cih mel thei lo uh a, Topa a biate in ahih leh a kicingin thei uh hi.

Paunak 28:5 Referans Kwoze

1 JOHAN MASA 2:27

Khris in note tungah ama Kha Siangtho hong pia khin a, tua Kha Siangtho na neih lai teng uh kuamah in note hong hilh ding kisam nawn lo hi. Bang hang hiam cih leh Kha Siangtho in note tungah thu khempeuh hong hilh a, tua a hong hilh thute a man vive hi a, zuau thu khat zong om lo hi. Tua ahih manin Kha Siangthoʼ hilhnate zui unla, Khris sungah kip takin om un.

Jeim 1:5

Pilna kisam na om uh leh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

1 JOHAN MASA 2:20

Ahi zongin Khris in note tungah Kha Siangtho hong pia khin ahih manin note khempeuh in a man na thei uh hi.

Late 92:6

Migilote, lopa bangin sel khia-in, siatna bawl khempeuh a punʼ mahmah hangun, a tawntungin siatna a thuak ding uh ahi hi. Ahih hangin Topa aw, nang pen a sangna ah a om den na hihna thu, lungsimmawl mi in theithei lo a, lungsim tei lo mi in tel thei lo hi.

Johan 7:17

Pasianʼ deihna bangin a gamta nuam mi peuhmah in, ka thugente pen Pasianʼ kiang panin a hong pai thu a gen ka hihna leh keima thu bek tawh a gen ka hihna khen thei ding uh hi.

Paunak 24:7

Pil kampauna pen mihaiteʼ theih zawh dingin thuk lua mahmah a, mihaite in mihon lakah thu gen ngam lo uh hi.

Paunak 15:24

Mipilte in nuntakna lampi zui to uh a, sihna lampi zui suk lo uh hi.

Late 119:100

Khanghamte sangin thu ka tel zaw hi. Bang hang hiam cih leh na thuhilhnate ka zui hi.

Late 25:14

Topa tawh kilawmtatna pen amah a zahtakte ading hi a, a thuciamna amau tungah kitheithangsak hi.

Jeremiah 4:22

Topa in, “Ka mite hai uh a, kei hong thei lo uh hi. Naupang haite bang uh a, bangmah thei lo uh hi. A sia bawl ding lamsang siam bek uh hi. A hoih bangmah bawl thei lo uh hi,” a ci hi.

Paunak 2:9

Tua hileh thuman le thutang a hoih le a kilawm na thei ding hi.

Isaiah 6:9

Tua ciangin amah in, “Pai inla, hih mite tungah, ‘Zaza napi tel lo; mumu napi thei lo,’ va ci in.

Isaiah 44:18

Amaute in bangmah thei lo a, amaute in bangmah khentel thei lo uh hi. Bang hang hiam cih leh amaute in bangmah a muh theih loh nadingun amah in a mit uh humsakin, bangmah a theih loh nadingun a lungsim uh khaksak hi.

Late 119:98

Na thupiakna in ka langte khempeuh sangin a pil zaw-in hong bawl hi. Bang hang hiam cih leh tua pen kei tawh om khawm den hi.

Isaiah 1:3

Bawng in amah a nei pa thei a, la in zong a topaʼ an piakna mun thei buang hi. Ahih hangin Israel in bangmah thei lo a, keima mite in theithei lo uh hi,” a ci hi.

Amos 3:10

Topa in hih bangin ci hi: Hih mite in a manin gamtat ding thei lo uh a, gilo mahmah uh a, miʼ na a suh uh vante tawh a inn lianpipite uh kidimsak uh hi.