Paunak 28:1 - Tedim Bible Revision 2017

¹ Kuama delh lohpi-in migilote tai mang a, mi thumante ahihleh humpinelkai bangin a hang uh hi.

Tedim Bible

¹ Kuama delh lopi-in migilote taimang a, mi thumante ahih leh humpinelkai bangin hang uh hi.

Paunak 28:1 Referans Kwoze

Thu-hilhkikna 28:7

“Topa in, noteʼ langah hong pang na galte uh na mai uh ah lelhna thuaksak ding hi. Amaute lampi khat tawnin hong kuan ding uh a, noteʼ mai panin lam sagih tawnin taikeek ding uh hi.

Late 53:5

Cikmahin tua bang launa a omngei lo, launa lianpi sungah amaute om uh hi. Bang hang hiam cih leh Pasian in migiloteʼ guhte thehthang ding hi. Pasian in amaute nial ahih manin, amaute maizumin kikoih ding hi.

Late 112:7

Amah in thusia zak ding lau lo hi. Topa muang a, ama lungsim a kip hi.

1 THESALONIKA MASA 2:2

Note in na theih sa uh mah bangin Thesalonika khua ka hong tun ma-un Filippi khua ah simmawh bawlna le maizumna ka thuak uh hi. Tua bangin nakpi takin hong kilangbawlna hangin Pasian kiang panin a hong pai Lungdamna Thu note kiangah gen ngam nadingin i Pasian in kote sungah lungsim hanna a hong guan hi.

Sawltak 4:13

Uliante in Peter le Johan a han mahmahna thu le amaute pilna sang a nei lo mi mawkmawk ahihna thu a theih uh ciangin lamdang a sa mahmah uh hi. Tua ciangin Jesu tawh a kikhawl khin ngeite ahihna uh a phawk uh hi.

Sawltak 14:3

Tua lai ah sawltakte sau veipi tam uh a, Topa Jesu thu hang takin a hilh uh hi. Ama dikna thu a hilhnate uh man hi, ci-in a lah nadingin Topa in amaute tungah lim le nalamdang bawl theih nading vangliatna a pia hi.

Jeremiah 20:4

Bang hang hiam cih leh Topa in hong cih in ah, ‘En in, keimah in nang le na lawmteʼ lau nadingin nang kong bawl ding hi. Babylon kumpipaʼ khut sungah Judah gam khempeuh ka pia ding hi. Amah in sal dingin amaute Babylon khua ah paipih dinga, namsau tawh a that lum ding hi.

Siampi Laibu 26:36

“Noteʼ sung panin galteʼ leitang ah a om lai mite tungah lungsim gimna ka tungsak ding hi. Nahthel ging in amaute taisak dinga, namsau mai ah mi khat a tai bangin amaute tai ding uh a, kuamah in a delh lohpi-in amaute puk ding uh hi.

Thu-hilhkikna 28:25

“Topa in na galte uh mai ah note hong guallelsak ding hi. Amaute a do dingin lam khat ah na kuan khawm ding uh a, amauʼ mai ah lam sagihin na taikeek ding uh hi. Leitung kumpi gamte khempeuhʼ muhna ah note a cikzethuai na hi ding uh hi.

2 KUMPI NIHNATE 7:15

Tua ahih ciangin amaute Jordan ciang dong va pai uh hi. Syria-te in nawhsa-in a paihkhiat uh puante le nate tawh lamdung khempeuh pak zeizai hi. Tua ciangin kamtaite hong kikin kumpipa kiangah a gen uh hi.

Isaiah 7:2

“Syria-te pen Efraim mite tawh kikop,” ci-in Davidʼ innkuante tungah a kigen ciangin, huih in gamlak a singte a mut bangin amah le a mihingteʼ lungsim kiliing hi.

Paikhiatna 11:8

Tua ciangin Moses in Faroʼ kiangah, “Na uliante khempeuh keima kiangah hong pai sukin, keima kiangah hong kun ding uh a, ‘Nang le nangmah hong zui khempeuh paikhia un,’ hong ci ding uh hi. Tua khit ciangin kei ka paikhia ding hi,” ci thuah lai hi. Tua ciangin Faroʼ kiang panin amah a heh mahmah sa-in a paikhia hi.

Siampi Laibu 26:17

Keimah in note kong maisiat dinga, na galte uh mai ah lelhna na thuak ding uh hi. Note hong mudah mite in note hong uk dinga, kuamah in note hong delh lo napi-in na tai ding uh hi.

Nehemiah 6:11

Ahih hangin keimah in, “Kei bang mite tai ding ahi hiam? Kei bang mite a suahtak nadingin biakinn sungah bu ding ahi hiam? Ka pai peuhmah kei ding hi,” ka ci hi.

Paunak 27:27

Na keelnawite ahihleh na innkuan annek ding, le na nasem numeiteʼ nuntak nadingin kicing ding hi.

Isaiah 30:17

Mual sang dawna om dial khuam ahi a, mual tunga limlahna tawh a kibangin ahi zongin, note hong kinusiat dong matengin, mi khatʼ tawnna tawh mi tul khat tai-in, mihing ngaʼ tawnna tawh note khempeuh na tai mang ding uh hi.

1 KUMPI MASATE 1:49

Tua ciangin Adonijahʼ leenglate khempeuh liing uh a, dingin amauʼ mun ciatah a ciah uh hi.

JOB (Job) 15:21

Launa ding awging a bilah za ngitnget dinga, lungmuangin a om laitakin gutate in buluh ding hi.

Late 53:6

Zion panin Israel-te ading hotkhiatna hong tun nading thu ka ngenngen hi. Pasian in ama mite tungah nopsakna a piakkik ciangin, ama mi Israel-te kipak mahmah ding uh hi.

Paunak 10:9

Thuman mite lungnuamin om hithiat a, thuman lote kiman hi.