Paunak 27:3 - Tedim Bible Revision 2017

³ Suangtum le sehnel gik mahmah a, ahi zongin mihaiteʼ piansak lungkhamna gik zaw lai hi.

Tedim Bible

³ Suangtum leh sehnel gik mahmah a, ahi zongin mihaite’ pian’sak lungkhamna gikzaw lai hi.

Paunak 27:3 Referans Kwoze

Daniel 3:19

Tua ciangin Kumpi Nebukhadnezzar pen Shadrak, Meshak le Abednego-te tungah heh mahmah ahih manin a mai a san pempam hi. A sat ngeina zah sangin a zah sagih vei a sa zaw mei phualpi a cih dingin a mite thu a pia hi.

1 JOHAN MASA 3:12

Dawimangpaʼ mi ahi, a naupa mahmah a that Kain bang kei ni. Kain a gamtatna man lo a, a naupaʼ gamtatna man ahih manin Kain in a naupa a that ahi hi.

Paunak 17:12

Mihaite a hai gamtatna uh i tuah khak sangin a no a kilaksak vompi hang khat tuak lehang hoih zaw lai hi.

Piancilna 49:7

Amauʼ sinsona lauhuai a, amauʼ hehna kihtakhuai hi. Samsiatna ngah ta uh hen! Jakob suante sungah amaute ka khenthang dinga, Israel sungah amaute ka thehthang ding hi.

JOB (Job) 5:2

Mihai pa in a hehna sih lawh a, muhdahna in sihna piangsak hi.

Paunak 12:16

Mihaite in a hehna uh langsak pah uh a, mipilte in a hehna uh ip zo hi.

Paunak 27:2

Midangte in hong phat loh buang nangmah kiphattawm kei in. Khual mite in hong phat loh buang nangma kamin kiphattawm kei in.

Paunak 27:4

Hehna le sinsona siahuai a, ahi zongin hazatna siahuai zaw lai hi.

Gamlak-vakna 22:27

La in Topaʼ vantungmi a muh ciangin Balaamʼ nuai ah lum suk hi. Balaam heh mahmah a, a ciangkhut tawh a la a sat hi.