Paunak 27:2 - Tedim Bible Revision 2017

² Midangte in hong phat loh buang nangmah kiphattawm kei in. Khual mite in hong phat loh buang nangma kamin kiphattawm kei in.

Tedim Bible

² Midangte’ hong phat loh buang, nang kiphat tawm kei in. Khualmite’ hong phat loh buang, nangma kam-in kiphat tawm kei in.

Paunak 27:2 Referans Kwoze

2 KORIN NIHNA 10:18

Bang hang hiam cih leh mi khat peuhpeuh amah a kiphattawm ciangin a kipakta hi lo a, Topa in a phat ciangin a kipakta hi pan hi.

Paunak 25:27

Khuaizu a tam lua nek ding a hoih loh bangin phat ding deih luatna a hoih lo ahi hi.

2 KORIN NIHNA 10:12

Kote ahihleh tua bangin a kiliansak mahmah mite tawh a kikimin ka kingaihsun ngam buang kei ding uh hi. Amaute khatlekhat ki-en kakin thupi kisa mahmah uh ahih manin mihai taktak ahi uh hi.

2 KORIN NIHNA 12:11

Note in kei a hong pakta ding hi napi-in hong pakta lo na hih manun noteʼ bawlin mihai bangin kisialin ka gamta hi. Bang hang hiam cih leh kei pen bangmah pi ka hih loh hangin sawltak thupi mahmah in na ngaihsutte uh sangin them khat zong ka neu zaw tuan het kei hi.

Paunak 27:3

Suangtum le sehnel gik mahmah a, ahi zongin mihaiteʼ piansak lungkhamna gik zaw lai hi.

2 KUMPI NIHNATE 10:16

Tua ciangin amah in, “Kei hong zui inla, Topa ading ka deih luatna hong thei in,” a ci hi. Tua ahih ciangin Jehu in a leeng sungah amah tuangsak hi.

Paunak 20:6

Mi khempeuh pen mi citakin kigen kim uh hi; ahi zongin a citak takpi ding mi kimu zo ding ahi hiam?