Paunak 27:18 - Tedim Bible Revision 2017

¹⁸ Theikung a cing pa in a theigah ne a, a tapa a kem pa in pahtakna ngah hi.

Tedim Bible

¹⁸ Theikung a cingpa in a gah ne a, a topa a kempa in pahtakna ngah hi.

Paunak 27:18 Referans Kwoze

2 TIMOTI NIHNA 2:6

Hahkat takin lo a kho pa in anlak hun ciangin a tam pen a ngah dingin a kilawm ahi hi.

1 KORIN MASA 9:7

Kuamah in ama sum bei-in galkap na sem lo uh hi. Leenggui suan napi-in a leenggah a ne lo kuamah om lo hi. Tuu cing napi-in a tuunawi a ne lo kuamah om lo hi.

Solomon la 8:12

Keimah in keima aituam leenggui lo khat ka nei hi. Solomon aw, na ngun dangka tul khat la inla, lokhoteʼ tungah amauʼ tanh ding za nih pia in.

1 KORIN MASA 3:8

Khaici vawh pa le tui buak pa a kizakim ahi hi. Pasian in komau sepna tuak tawh kizui-in thaman hong pia ding hi.

Luka 12:37

A topa hong ciah ciangin a kiging sa-in amah ngakin a om uh a muh nasemte pen mi hampha mahmah ahi uh hi. Note kiangah kong genin ah, a topa zong hong kithawi-in a nasemte an vak dingin tusak dinga, a mahmah in a nasemte an thukin na a sem ding hi.

Johan 12:26

Ka nasemte keima omna ah a om theih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Luka 19:17

Amah in, ‘Hoih mahmah hi; nang pen nasem gina na hi hi. Thuneu ah citak na hih manin khuapi sawm na uk ding hi,’ a ci hi.

Mattiu 24:46

A topa hong ciah ciangin ama sawl bangin na semin a om a muhpa pen mi hampha mahmah khat ahi hi.

Paunak 22:29

A nasepna ah a siam mahmah mi na thei kha uh hiam? Amah in mi mawkmawkteʼ na sem lo dinga, kumpiteʼ na sem ding hi.

1 PETER MASA 2:21

Khris mahmah in zong note adingin thuakin, ama khekhap na zuih theih nadingun etteh ding lim hong nusiat ahih manin hih bangin a thuak ding mahin Pasian in note a hong sam ahi hi.

1 PETER MASA 2:18

Nasemte aw, na tote uh thu na mang un. A thudik a migi na tote bek uh a zahtak hi loin a gilo na tote uh thu zong na mang un.

Kolose 3:22

Silate aw, thu khempeuh ah na leitung topa uh thu na mang un. Amauʼ hong pahtak ding deihna tawh a hong muh sung bekin a hoih tatte hi kei unla, Topa na zahtakna uh hangin lungsim tak tawh gamta un.

1 KORIN MASA 9:13

Biakinn ah nasem dingin a kicial mite in biakinn mah panin an ngah uh a, biakna tau ah na a semte in biakna sa mah a ngahna uh thei lo na hi uh hiam?

Sawltak 10:7

Tua khit ciangin ama kiangah thu a gen vantungmi paikhia a, Kornelias in zong ama inn sung nasemte nih le biakna a hahkat mahmah, ama sawltakin a neih galkapte khat sam a,

Marka 10:43

Ahi zongin note lakah tua bangin hi lo ding hi. Note lakah a lian nuam khat peuhpeuh, a dangte khempeuhʼ nasem hi dinga,

Mattiu 24:25

A hun ma-in hong gen khol khin ka hih manin limtakin kidawm un.

Paunak 17:2

A pil silapa in a topaʼ ta hai tungah aana nei-in a topaʼ gamh pawl khat a luah hi.

Late 123:2

Nasem pasalte in a topa uh muang a, nasem numeite in a tonu uh a muan mah bangin ko tungah hehpihna nong neih matengin Topa koteʼ Pasian kong mitsuan uh hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.

Paikhiatna 24:13

Tua ahih ciangin ama nasem pa Joshua tawh Moses kithawi uh a, Pasianʼ mual tungah pai to uh hi.

2 KUMPI NIHNATE 5:27

Tua ahih ciangin nangma tung le na suanlekhakte tungah Naamanʼ phakna hong belh tawntung tahen,” a ci hi. Tua ahih ciangin ama omna panin vuk bangin kangin a phakin a paikhia hi.

2 KUMPI NIHNATE 5:25

Amah sung tumin a topaʼ mai ah dinga, tua ciangin Elisha in ama kiangah, “Gehazi aw, koi ah pai na hi hiam?” a ci hi. Amah in, “Na nasem pa koimah pai lo hi,” a ci hi.

2 KUMPI NIHNATE 3:11

Tua ciangin Jehoshafat in, “Ama tungtawnin Topaʼ tungah thu i dot theih nadingin hih lai ah Topaʼ kamsang om lo ahi hiam?” a ci hi. Tua ciangin Israel kumpipaʼ nasemte khat in dawngin, “Elijah a huhpa om a, Shafatʼ tapa Elisha ahi hi,” a ci hi.

Luka 12:42

Topa in, “A pil a citak nasem pa i cih a bangcite ahi hiam? A nasep pih dangte ukin a hun manmanin amauteʼ nekzah ding ciat a pia dingin a topa in a seh nasem pa ahi hi.

2 KUMPI NIHNATE 18:31

Hezekiahʼ thu ngai kei un. Bang hang hiam cih leh Assiria kumpipa in hih bangin ci hi: ‘Kei tawh kilemna hong bawl unla, kei kiangah hong pai un. Tua hileh kei hong pai-in nomauʼ leitang tawh a kibatna mun, an le leenggahzu a omna, oliv kungte le khuaizu a omna gamah, note si loin na nuntak nadingun kong koih dong matengin note khempeuh in nomauʼ leenggah ciat ne-in, mi khempeuh in a theigah ciat uh ne ding uh a, note khempeuh in na tuinak ciat uh panin tui na tawi ding uh hi. Tua ahih ciangin amah in note kiangah, “Topa in eite hong hon khia ding hi,” ci-in note hong lamlah khialhna ah Hezekiahʼ thu ngai kei un.

Paunak 27:17

Sik in sik mah hiamsak thei a, mi in midang pilsak thei hi.

Paunak 27:19

Tui sung en leeng eima maitang i muh bangin i lungsim en leeng eima pianzia kilang hi.

Isaiah 36:16

Hezekiahʼ thu ngai kei un; bang hang hiam cih leh Assiria kumpipa in hih bangin ci hi: Kei tawh kilemna hong bawl unla kei kiangah hong pai un. Tua hileh kei hong pai-in, noteʼ gam tawh a kibang gam khat, an le leenggahzu gamah kong koih matengin note khempeuh in nomauʼ leenggah ciat, nomauʼ theigah ciat, na tuikhuk panun nomau tui ciat na ne ding uh hi.

Esther 6:11

Tua ahih ciangin Haman in kumpi puante le sakol la-in Mordekai zem a, khuapi sung kongzing lampi ah amah tuangsakin, “Kumpipa in a pahtawi nop mipa tungah hih bangin kibawl ding hi,” ci-in a taangko hi.