Paunak 26:4 - Tedim Bible Revision 2017

⁴ Mihaiteʼ thudotna dawngdawng lecin nang zong amau mah bangin a hai na hi hi.

Tedim Bible

⁴ Mite’ hai thudotna dawngdawng lecin, nang zong amau mah banga a hai na hi hi.

Paunak 26:4 Referans Kwoze

Paunak 26:5

Mihaite a pilin a kingaihsut khak loh nadingin amauʼ haina tawh kizui-in dawng zaw in.

1 PETER MASA 3:9

Hong bawlsiate siatna tawh thukkik loin hong samsia mite samsiakik kei unla, Pasian in note a hong sap lai-in thupha a hong piak dingin hong ciam sa ahih manin, hong siat bawlte thupha tawh na thuk zaw un.

1 KUMPI MASATE 12:14

khangnoteʼ ngaihsut piakna tawh kizui-in amaute kiangah thu gen a, “Ka pa in noteʼ tungah van gik hong suat banah keimah in kong behlap lai ding hi. Ka pa in ciang bek tawh note hong thuhilh hi. Ahih hangin keimah in ciang lingnei tawh note kong thuhilh ding hi,” a ci hi.

Paunak 17:14

Kitot i kipat ciangin tui lipi cinna phung kehsak khak tawh kibang hi. Tua ahih manin a nasiat ma-in kitot khawl pak in.

1 KUMPI MASATE 12:16

Kumpipa in amauʼ thu a ngaih lohna Israel-te khempeuh in a muh uh ciangin mite in kumpipa dawng uh a, “David sungah kote in bang ngah nei ka hi uh hiam? Jessi tapa sungah gamhluah ka nei kei uh hi. Israel-te aw, na inn ciat uh ah ciah un. Rehoboam in ama ading vaihawm tawm tahen,” a ci uh hi. Tua ahih ciangin Israel-te a inn ciat uh ah kihem uh hi.

Juda 1:9

Vantung mi lian pa Mikhael nangawn tua bangin gamta ngam lo hi. Mosesʼ luanghawm kituhin Dawimangpa tawh a kitot laitakin Mikhael in Dawimangpa zahkona kammal zang ngam loin, “Topa in nang hong taii tahen,” ci bek hi.

Isaiah 36:21

Ahih hangin kumpipa in, “Dawng kei un,” ci-in thu pia khol ahih manin amaute daitakin om uh a, kam khat beek dawng lo uh hi.

Mattiu 7:6

“Uite tungah a siangtho nate pia kei un. Pia le-uhcin hong pet zawsop ding hi. Vokte mai ah na suang manphate uh lot kei un. Lot le-uhcin sikcip lel ding uh hi.

Paunak 23:9

Mihaite pil hopih kei un; amaute in a manphatna phawk thei lo uh hi.

Paunak 29:9

Mipil khat in mihai khat tawh zumah thu nei leh mipil pa tungah hehin zahko a, phattuamna piang tuan lo hi.