Paunak 26:25 - Tedim Bible Revision 2017

²⁵ A lungsimah a deihhuai lo thu sagih tak om ahih manin kam khum takin a pau manin um kha kei in.

Tedim Bible

²⁵ A lungsim-ah a deihhuai lo thu sagih tak om ahih manin, kam khum tak-a a pau manin um kha kei in.

Paunak 26:25 Referans Kwoze

Jeremiah 12:6

Bang hang hiam cih leh na sanggamte le na innkuanpihte nangawn in nang hong zuak uh a, nang a hong do ding mihonpi a kaikhawm uh hi. Kam khum tawh nang a hong zol uh hangin um kei in,” ci-in hong dawngkik hi.

Late 28:3

Amauʼ lungsim sungah siatna a om hi napi a veengte tawh kilemna thu a gen khem, siatna bawlte, migilote tawh kei hong la khia khawm kei in.

Mattiu 24:23

“Tua laitakin mi khatpeuh in, ‘Hih lai ah Khris om hi, hua lai ah Khris om hi,’ ci-in hong gen leh, um kei un.

Late 12:2

Mi kim in a veengte kiangah zuau thu gen ciat a, phat khemna kam zol le lungsim nam nih tawh thu a gen uh hi.

Micah 7:5

Na veengteʼ thu upin nei kei inla, na lawmte zong muanin nei kei in. Na ang a lum na zi kiang nangawn ah thu na gen ding kidawm in.

Paunak 23:7

“Nene un,” hong cih hangin a cih takpi hi lo hi. Bang hang hiam cih leh na dangtawng a hong sun samzang nekkhak tawh kibang ding hi.

Paunak 26:23

Tungtham bek a kam khum pauna pen cimbeng kizut leibeel tawh kibang hi.

1 SAMUEL MASA 18:17

Tua ciangin Saul in David kiangah, “Hih lai ah ka tanu u zaw Merab om hi. Nang tungah zi dingin kong pia ding hi. Kei adingin hang peuh inla, Topaʼ gal do in,” a ci hi. Bang hang hiam cih leh Saul in, “Keima khut sungah amah si loin Filistia-teʼ khut sungah si hen,” ci-in ngaihsun hi.

Nehemiah 6:2

Sanballat le Geshem zong Ono zanglei sunga om Hakkofirim khua ah pai-in amaute tawh thu a kikum dingin hong sam uh hi. Hih pen kei hong suksiat nopna uh ahi hi.