Paunak 25:4 - Tedim Bible Revision 2017

⁴ Ngun a ek teng paikhia lehang sikseek pa in na hoihpi piangsak thei hi.

Tedim Bible

⁴ Ngun a ek teng paaikhia lehang, siksekpa in na hoihpi piangsak thei hi.

Paunak 25:4 Referans Kwoze

Ezekiel 22:18

“Mihing ahi Ezekiel aw, kei adingin Israel mite a kimanna om nawn lo hi. Amaute pen sumngo, dal, sik, hak le ngun a kihel khawm sung panin meikhuk sungah kihalin a ngun teng a kilak khit ciangin a om lai ngun-ek tawh kibang uh hi.

Paunak 17:3

Kham le ngunte mei sungah kize-et a, mihingteʼ lungsim Topa in ze-et hi.

1 PETER MASA 1:7

Hih bang thuaknate in a um takpi mah na hihna uh hong kilangsak hi. A sia thei khamte nangawn, a hoih taktak mah ahi hiam, ci-in mite in mei tawh sin uh ahih manin, kham sangin a manpha zaw noteʼ upna zong a kiptak mah ahi hiam, ci-in Pasian in hong sin ding mah ahi hi. Tua bangin na thuak zawh uh leh Khris hong kilat Ni ciangin phatna, minthanna le pahtawina na ngah ding uh hi.

Paunak 25:3

Vantung sang lua-in lei sung a thuk luat mah bangin kumpipaʼ ngaihsutna thuk lua-in kithei zo lo hi.

Paunak 26:23

Tungtham bek a kam khum pauna pen cimbeng kizut leibeel tawh kibang hi.

Late 66:10

Bang hang hiam cih leh Pasian aw, kote na hong sin khin a, mei tawh ngun a kisin bangin kote na hong sin khin hi.