Paunak 25:3 - Tedim Bible Revision 2017

³ Vantung sang lua-in lei sung a thuk luat mah bangin kumpipaʼ ngaihsutna thuk lua-in kithei zo lo hi.

Tedim Bible

³ Vantung sang lua a, lei sung a thuk luat mah bangin, kumpipa’ ngaihsutna thuk lua-in kithei zo lo hi.

Paunak 25:3 Referans Kwoze

Late 103:11

Vantung pen leitung panin a san mah bangin amah a zahtakteʼ tungah ama itna kip lianin sang mahmah hi.

1 KUMPI MASATE 4:29

Pasian in Solomonʼ tungah teh zawh lohin a thuk mahmah pilna le theihna le gen zawh loh lungsim zaina pia a,

1 PETER MASA 1:7

Hih bang thuaknate in a um takpi mah na hihna uh hong kilangsak hi. A sia thei khamte nangawn, a hoih taktak mah ahi hiam, ci-in mite in mei tawh sin uh ahih manin, kham sangin a manpha zaw noteʼ upna zong a kiptak mah ahi hiam, ci-in Pasian in hong sin ding mah ahi hi. Tua bangin na thuak zawh uh leh Khris hong kilat Ni ciangin phatna, minthanna le pahtawina na ngah ding uh hi.

ROM (Romans) 8:39

leitung a om nate, leinuai-a om nate, Pasianʼ bawl sa nate khat peuhpeuh in i Topa Khris Jesu hangin Pasian in eite hong itna tawh hong khen zo het lo ding hi.

Isaiah 55:9

Vantung pen leitung sangin a san zawk mah bangin, keima pai ziate zong, nomau paizia sangin sang zaw a, ka ngaihsutnate zong, nomau ngaihsutna sangin a sang zaw ahi hi.

Isaiah 7:11

“Topa na Pasian kiang panin lim khat ngen inla, a thuk Leinuai pan ahi a, a sang vantung panin ahi zongin ngen in,” a ci hi.

Paunak 25:2

Pasian in thu a ip manin a min thang a, kumpite in thu a genkhiat manin minthang uh hi.

Paunak 25:4

Ngun a ek teng paikhia lehang sikseek pa in na hoihpi piangsak thei hi.