Paunak 25:2 - Tedim Bible Revision 2017

² Pasian in thu a ip manin a min thang a, kumpite in thu a genkhiat manin minthang uh hi.

Tedim Bible

² Pasian in thu a ip manin minthang a, kumpite in thu a gen khiat manin minthang hi.

Paunak 25:2 Referans Kwoze

Thu-hilhkikna 29:29

“Topa i Pasian in hong lahkhiat loh thusim om a, ahih hangin hih thukham sunga om thute khempeuh i zuih theih nadingin hong lak khia a, eite le i suan i khakteʼ zuih tawntung ding ahi hi.

JOB (Job) 42:3

Kei bangmah a thei lo kimlai, ‘Bang hangin ka pilna hong dem ngam na hi hiam?’ na hong ci hi. Keimah in ka tel zawh loh thute, kei adingin a lamdang lua thu a gengen ka hi hi.

JOB (Job) 38:4

Leitung ka bawl laitakin nang om na hi hiam? Thei kisa na hih leh tua thu hong gen in.

JOB (Job) 29:16

Mizawngte adingin a pa uh ka hi a, lungkhamna a thuak, ka theih loh mite nangawn ka panpih tawntung hi.

Ezra 4:19

Keimah in hih thu a kikanna ding thu ka pia a, tu-in kikantel khinta hi. Tanglai a kipanin hih khuapi pen kumpi langah pangin, hih khua sungah lehdona le kumpi dona a om ngitngetna thu kimu khia hi.

JOB (Job) 40:2

“Job aw, nangmah in Vanglian Pasian nong dem hi. Tu-in khawl ding na hiam, ahih kei leh keima thugen nong dawng ding hiam?” a ci hi.

Ezra 5:17

“Tua ahih ciangin hoih na sak leh, Jerusalem-a hih Pasianʼ biakinn a kilamkikna ding thu kumpipa Sairas in thu pia takpi hiam, pia taktak lo hiam cih a kitheih nadingin Babylon khua sunga om laibu koihna innte sung zongsak in. Tua khit ciangin kumpipa in na deihna hong zasakkik in,” a ci uh hi.

Ezra 6:1

Tua ciangin Kumpi Darias in thu pia a, Babylon khua sunga lai manphate a kisenna innte sung kizong hi.

Paunak 25:3

Vantung sang lua-in lei sung a thuk luat mah bangin kumpipaʼ ngaihsutna thuk lua-in kithei zo lo hi.

Thu-hilhkikna 29:28

Topa in hehna, sinsona, lungham mahmahna tawh a leitang panun amaute zunglot a, tu ni-a i muh bangin amaute gam dangah hawl khia hi,’ ci ding uh hi.

2 SAMUEL NIHNA 1:5

Tua ciangin David in ama kiangah a gen tangvalpa kiangah, “Saul le a tapa Jonathan a sihna bangci theih na hi hiam?” a ci hi.

2 SAMUEL NIHNA 14:19

Kumpipa in, “Hih thu khempeuh Joabʼ vaihawmna tawh hong pai na hi hiam?” a ci hi. A numei in dawngin, “Nang a nungta taktak na hih mah bangin ka to kumpipa aw, ka to kumpipaʼ gen bang teekteek mah ahi hi. Kei hong sawl pa pen na nasem pa Joab hi a, na nasem nuʼ gen dingin hih thute a hong sawl pa amah ahi hi.

Paunak 25:27

Khuaizu a tam lua nek ding a hoih loh bangin phat ding deih luatna a hoih lo ahi hi.

Thuhilh-sia 1:13

Hih leitungah a kisem na khempeuh en telin a thu kan ding ka ngaihsun hi. Pasian in tua bang nasep ei tungah hong guat pen a nuam het lo nasep khat ahi hi.