Paunak 24:23 - Tedim Bible Revision 2017

²³ Mipil dangte in zong hih bangin thu gen uh hi: Mi lang muhin thukhenna hoih lo hi.

Tedim Bible

²³ Mipilte’ thugen dangte in: Mi langmuh-a thukhenna hoih lo hi.

Paunak 24:23 Referans Kwoze

Paunak 28:21

Mi langbawlna hoih lo a, ahi zongin letsong neucik khat hangin thukhente gamta khial thei zel hi.

Paunak 18:5

Mimawhte angvanin diksak a, midikte mawhsak ding thuman lo hi.

Late 107:43

A pil peuhmah in hih thute don henla, Topaʼ itna kip lung ngaingai tahen.

Siampi Laibu 19:15

“Note in thukhenna-ah thu a tang loin na khen kei ding uh hi. Mizawngte lang gen loin, a lianteʼ thu zui loin, thumanna tawh na veengte uh thu na khen ding uh hi.

1 PETER MASA 1:17

Mi khempeuh amau gamtatna tawh kizui-in a kibang kimin thu a khen Pasian kiangah thu na nget uh ciangin, “Pa aw,” ci na hih manun hih leitungah na om lai teng uh amah zahtakin om un.

Jeim 3:17

Ahi zongin tung lam panin a kingah pilna a siangtho ahi hi. Mi tawh kilem thei-in dik a, mi tawh kikhawl thei a, hehpihna lungsim nei-in gamtat hoih a, mi lang-et lo a, kineihkhem cihte om lo hi.

Johan 7:24

A tungtham a kimu nate siksanin thu khen kei unla, thu taktak siksanin thu khen zaw un,” a ci hi.

Hosea 14:9

Mipil, thu ngaihsun theite in hih thute thei telin limtakin ciamteh tahen. Topaʼ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Paunak 1:6

paunakte le thugentehnate hoihtakin thei-in, mipilteʼ kampau le a thugente uh a theih nading ahi hi.

2 KHANG TANGTHU NIHNATE 19:7

Tu-in note in Topa zahtak unla, na hihnate uh ah kingaihsun un. Bang hang hiam cih leh Topa i Pasian in thuman hei khiatna, mi deidanna le sumgolh laknate deih lo hi,” a ci hi.

Thu-hilhkikna 16:19

Thutang na hei khia kei ding uh a, angvan tuam na nei kei ding uh hi. Sumgolh in mipilteʼ mit tawsakin thumanteʼ thu hei khia ahih manin sumgolh na la kei ding uh hi.

Thu-hilhkikna 1:17

Thukhenna ah angvan tuam na nei kei ding uh hi. A neu le a liante a kibangin a thu na ngai ding uh a, maitang zahtak tuam na nei kei ding uh hi. Bang hang hiam cih leh thukhenna pen Pasian-aʼ ahi hi. Note adingin a haksa lua thute kei kiangah nong paipih ding uh a, keimah in tua thu ka za ding hi,’ ka ci hi.

Paunak 22:17

Na bil uh hong ngatin mipilteʼ thugen ngai unla, kong hilh pilna thute na lungsim uh ah lutsak un.

JOB (Job) 13:8

Pasian angvan dinga, ama ading gensak ding na hi uh hiam?