Paunak 24:13 - Tedim Bible Revision 2017

¹³ Ka ta aw, khuaizu khum ahih manin ne in. I kam ah khuailuzu khum mahmah hi.

Tedim Bible

¹³ Ka ta aw, khuaizu khum ahih manin ne in; khuailuzu in i kam-ah khum mahmah hi.

Paunak 24:13 Referans Kwoze

Isaiah 7:15

Amah in a hoih lote nialin a hoihte a teel theih hun ciangin bawngnawi-thaukhal le khuaizu ne ding hi.

Solomon la 5:1

Itluat ka lawmnu aw, ka huan sung hong tung zo ing. Ka paknamtuite ka kaikhawm hi. Ka khuaizu le ka khuailuzu ka ne a, ka leenggahzu le ka bawngnawite ka dawn hi. Nungak le tangval aw, na lungkim piikpeek dongun ne-in dawnin nuamsa un.

Paunak 25:16

Khuaizu na nek ciangin a hoih khop bek zah ne in. Tua hikeileh kham lua-in na lua ding hi.

Solomon la 4:11

Lawm aw, na muk, khuaizu bangin khum a, na leii, bawngnawi le khuaizu bang hi. Na puante Lebanon Mual tunga paknamtui namkim a nam hi.

Late 119:103

Nangma thute khum mahmah a, khuaizu sangin khum zaw hi.

Late 19:10

Kham sangin ahi zongin kham hoih pen sang ahi zongin tuate deihhuai zaw a, khuaizu le khuailuzu taakte sangin zong khum zaw lai hi.

Mattiu 3:4

Johan in kalaoh mul kigan puan silhin, savun kawnggak tawh a kawng gak a, kauphe le gamlak khuaizu tawh a kivak hi.

Paunak 25:27

Khuaizu a tam lua nek ding a hoih loh bangin phat ding deih luatna a hoih lo ahi hi.

Paunak 16:24

Kam khum pen khuaizu bang hi a, i kam ah khum a, i pumpi adingin zong hoih mahmah hi.

Paunak 27:7

A gilvah mipa in khuaizu nangawn duh nawn lo a, a gilkial mipa in a kha an nangawn lim sa hi.

Thukhente 14:9

Amah in a khut tawh tuate sawkin paisuak a, a pai kawmin a ne hi. Amah a nu le a pa kiangah tungin tuate pawl khat pia a, amaute in a ne uh hi. Ahih hangin humpinelkai luanghawm sung panin tua khuaizu a lakna thu gen lo hi.

1 SAMUEL MASA 14:27

Ahih hangin a pa in kiciamna tawh mite a thuhilhna Jonathan in za lo ahih ciangin amah in a khut sunga om a ciangkhut dawn dawksakin khuaizu sungah diahin a ne hi. Tua ciangin a tha hatkik hi.