Paunak 23:5 - Tedim Bible Revision 2017

⁵ Na ngah sa uh sumte mitphiat kalin bei mang thei a, muvanlai bangin thakhatin leeng mang thei hi.

Tedim Bible

⁵ Na ngahsa, sumte, mitphiat kalin bei mang thei a, muvanlai bangin thakhatin lengmang thei hi.

Paunak 23:5 Referans Kwoze

Paunak 27:24

Bang hang hiam cih leh neihsa kip tawntung lo a, hauhna pen a khangkhangin kizom suak lo hi.

1 JOHAN MASA 2:16

Bang hang hiam cih leh pumpi deihna, mit tawh mu-in i deihte le miteʼ kisaktheih pih nate ahi leitung nate khempeuh pen Pa Pasian tawh a kizom thu hi lo a, leitung tawh a kizom thu ahi hi.

1 TIMOTI MASA 6:17

Tu hun a a hau mite kisathei kha loin, a kip lo hauhnate muan le suanin nei kha loin, eite in nuam takin i zat theih dingin citna tawh a hong pia Pasian a muan a suan nadingun na hilh in.

Mattiu 6:19

“Nget in ne-in a kekseu theihna, gutate in luhin a guk theihna hih leitungah na sum uh khol kei un.

Thuhilh-sia 12:8

Thugen Siampa in, “A kimanna a om lo, a mawknapi, na khempeuh a mawknapi ahi hi,” a ci hi.

Piancilna 42:36

A pa uh Jakob in amaute kiangah, “Ka tate tawh kei nong kikhensak zo uh hi: Josef om nawn lo, Simeon om nawn lo, tu-in note in Benjamin na la ding uh hi. Hihte khempeuh keiʼ tungah hong tung khin hi,” a ci hi.

Jeremiah 22:17

Ahih hangin note in thuman lo tawh ngah nading ahi zongin, mimawh loteʼ sisan luanna ding ahi zongin, mi nuaisiahna le ngongtatna ding ahi zongin, na mitte uh le na lungsim uh na zang uh hi.

Thuhilh-sia 1:2

Thugen Siampa in hih bangin ci hi: A mawknapi, a mawknapi, na khempeuh a mawknapi.

Late 39:6

Niliim bangin mihing pai kawikawi takpi hi. A mawkna-in amau lungkham takpi uh a, kuaʼ ngah ding cih thei lopi-in mite in na a khol uh hi.

Isaiah 55:2

An ahi lo nate lei nadingin bang hangin na sum uh zang a, hong gilvahsak thei lo nate ngah nadingin bang hangin na sem na hi uh hiam? Keima thu limtakin ngai-in a limci an ne unla, anlimte ah nuamsa-in om un.

JOB (Job) 27:19

Amaute a hau sa-in lum uh a, ahih hangin a khanlawh uh ciangin a hauhna teng uh na maimang ta hi.

Jeremiah 39:12

“Jeremiah la un. Limtakin kem unla bawlsia kei un. Ama deih bangbangin na bawl un,” a ci hi.