Paunak 23:4 - Tedim Bible Revision 2017

⁴ Hauh nop man bekin sumʼ sila suak kei unla, a man loin gamta kha kei un.

Tedim Bible

⁴ Hauh nop man bekin sum’ sila suak kei in la, a man loin gamta kha kei in.

Paunak 23:4 Referans Kwoze

Hebru 13:5

Sum deih luatna tawh na kipelh nadingun na nuntakna uh ah kikem unla, na neihzah uh tawh lungkim un. Pasian in, “Note ka hong nusia ngei kei dinga, ka hong tamasak ngei kei ding hi,” hong ci hi.

Paunak 28:20

A citak mipa in thupha tampi ngah dinga, a hau baih nuam mipa in gim tuak pelmawh ding hi.

Mattiu 6:19

“Nget in ne-in a kekseu theihna, gutate in luhin a guk theihna hih leitungah na sum uh khol kei un.

Paunak 3:5

Na lungsim khempeuh tawh Topa muang inla, nangʼ theihna suang kei in.

Johan 6:27

A ning thei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong seh sa ahih manin keimah in note tungah nuntak tawntungna an kong pia ding hi,” ci-in a dawng hi.

ROM (Romans) 12:16

Mi deidan loin a kibangin en un. Kiphasak loin mi neute tawh kikhawl thei unla, kipilsak se kei un.

Paunak 15:27

A man loin sum ngahna in inn sung lungkhamsak a, sumgolh a deih lote a nuntak sauvei nuam hi.

Paunak 26:12

A pil lo kimlai a pil a kisa pa sangin mihaite adingin lametna om zaw lai hi.

Isaiah 5:21

Amauʼ mitah pil kisa a, amauʼ muhna ah siam a kisate in gimna ngah tahen!

Paunak 3:7

Nangmah a pilin kingaihsun tawm kei inla, Topa zahtakin a sia peel in.

ROM (Romans) 11:25

Sanggamte aw, note in na theih dingun ka deih thusim khat om hi. Thei le-uhcin, “A pil mahmah hi hang,” na kici nawn kei pah ding uh hi. Tua thu in: Israel mite in a up nop lohna pen a tawntung ding thu hi lo hi. Pasian kiangah Gentail mite a pai ding zah in Pasian a zuat hun ciang dong ding bek ahi hi.

Marka 4:19

hih leitung lunghihmawhna, hauh nopna le deihna dang a tuamtuamte in a thu khuhcip ahih manin bangmah suak khia zo lo hi.

JOB (Job) 27:19

Amaute a hau sa-in lum uh a, ahih hangin a khanlawh uh ciangin a hauhna teng uh na maimang ta hi.

Paunak 27:24

Bang hang hiam cih leh neihsa kip tawntung lo a, hauhna pen a khangkhangin kizom suak lo hi.

Thuhilh-sia 5:13

A hoih het lo na khat hih leitungah ka mu hi: Mite amauʼ lunggim nadingin hau uh hi.

Jeremiah 9:22

Gamlak a ki-tha ek bangin misi luang kipaithang dinga, buhlom at sa kinusia bangin kuamah in a khawm kei ding hi, ci-in a gen dingin Topa in kei hong sawl hi,” ka ci hi.