Paunak 23:26 - Tedim Bible Revision 2017

²⁶ Ka ta aw, ka thugente ciamteh inla, keima gamtat bangin nang zong gamta in.

Tedim Bible

²⁶ Ka ta aw, na lungtang kei hong pia in la, ka gamtatnate na mit-in en gige in.

Paunak 23:26 Referans Kwoze

Late 119:2

Ama thuhilhnate zui-in, a lungsim khempeuh uh tawh amah zongin, khialhna zong bawl loin, ama lampi a zuite, thupha ngah ahi hi.

Thu-hilhkikna 6:5

Topa noteʼ Pasian, na lungsim khempeuh uh, na nuntakna khempeuh uh le na thahatna khempeuh uh tawh na it ding uh hi.

Paunak 4:23

Na lungsim ngaihsutnate nuntakna nak hi a, na neihsa a manpha pen bangin na kep ding ahi hi.

Paunak 3:1

Ka ta aw, kong thuhilhte mangngilh kei inla, kong thugente phawk tawntung in.

Efesa 3:17

na upna hangun note lungsim sungah Khris hong teengin, itna thu ah zung thuk kha-in bulkip na neih nadingun thu ka ngen hi.

Paunak 4:4

ka pa in thu hong hilh a, “Ka thugente ciamteh inla, mangngilh kei in. Kong gen bangin gamta in; tua hileh na nungta ding hi.

Luka 14:26

“Kei kiangah a hong pai mite peuhmah in a nu le a pa, a zi le a ta, a sanggam numeite le a sanggam pasalte le ama pumpi mahmah a nial ngam kei leh keima nungzui suak thei lo ding hi.

Hosea 14:9

Mipil, thu ngaihsun theite in hih thute thei telin limtakin ciamteh tahen. Topaʼ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Late 107:43

A pil peuhmah in hih thute don henla, Topaʼ itna kip lung ngaingai tahen.

2 PETER NIHNA 1:19

Tua ahih manin kamsangteʼ gen thute a man taktak ahihna thu ka tel theih uh hi. Noteʼ lungsimah Zingsol hong suakin khua a hong vak matengin khuamial lak a mei taang bangin hih thute ngaihsun le-uhcin hoih mahmah ding hi.

2 KORIN NIHNA 8:5

Hih bangin a gamtatna uh koteʼ lamet sangin sang zaw pek hi. Amaute pen Topa tungah kipia masa uh a, tua ciangin Pasianʼ deihna bangin kote tungah zong a hong kipia uh ahi hi.

Late 1:2

Ama nopsakna pen Topa thu sung bek mah hi a, sun le zanin ama thu a ngaih sunsun mi ahi hi.

Late 119:24

Na thuhilhnate ka deih hi. Tuate pen keimah thu hong lakte ahi hi.