Paunak 23:21 - Tedim Bible Revision 2017

²¹ Zu nenete le a uisante zawng ding uh a, a ne bek a nitumte in puan sia bek silh zo ding hi.

Tedim Bible

²¹ Zu nete leh a uisante zawng ding uh a, a ne bek-a nitumte in puansia bek silh zo ding uh hi.

Paunak 23:21 Referans Kwoze

Paunak 21:17

A nop tat nuamte zawng uh a, zu ne-in sathau namtui a nilhte hau lo uh hi.

Filippi 3:19

Amaute in amau pumpi deihnate Pasian zahin ngaihsun uh a, a maizum nading uh thute ah kisial zawsopin, leitung nate bek ngaihsutin nei uh ahih manin Hell khuk sung a tung ding uh ahi hi.

Galati 5:21

enna, zukhamna le biakna pawi ah zukhamna a kipan a dangdangte ahi hi. A beisa hunah ka hong hilhkholh sa bangin tu-in ka hong genkikin ah: Hih bangin a gamta mite pen Pasianʼ Ukna sungah om kha het lo ding hi.

1 KORIN MASA 5:11

Tua ka hong laigelhna sungah ka cihnopna pen, thu upna sungah unau khat hi hang, ci napi-in numei tawh a paktat, a huaiham, milim a bia, mi gensia, zukham, ahih kei leh a guta theite tawh kikhawl kei un, cihnopna ahi hi. Tua bang mite tawh an ne ding nangawnin zong na tukhawm kei un.

Paunak 19:15

A thadahte lumlum a, a mawk omte a gil kial hi.

Thu-hilhkikna 21:20

amaute in a khuapi upate kiangah, ‘Hih ka tapa uh lungkhauhin hong langpang thei a, amah in ka thu uh hong mang lo a, anhai, zuhai bek ahi hi,’ ci ding uh hi.

1 KORIN MASA 6:10

a gutate, a huaihamte, zukhamte, mi gensiate, ahih kei leh miʼ na a sutte khat beek, Pasianʼ Ukna sungah lut thei het lo ding hi.

Joel 1:5

No zukhamte aw, tho unla kap un. No leenggahzu nete aw, thumin tau un. Na zunek ding teng uh bei mang khinta hi.

Mattiu 11:19

Mihing Tapa hong pai leuleu a, zune anne-in a om ciangin, ‘Zuhai anhai pa; siahdongte le midangte in a kikholh pih nop loh mite tawh a kikhawl pa,’ ci leuleu uh hi. Ahi zongin Pasianʼ pilna a man taktakna thu a gah panin hong kilang hi,” a ci hi.

Paunak 18:9

Na a susia mite a hoih loh zah mahin a thadahte zong mihoih lo ahi hi.

Thuhilh-sia 10:18

Thadah lua-in a inn vang nangawn a hu nuam lo mipa, a inn keh dinga, a inn nangawn in puk lawh ding hi.