Paunak 23:18 - Tedim Bible Revision 2017

¹⁸ Tua bang hi lecin lametna om a, cithei-in na khansau ding hi.

Tedim Bible

¹⁸ Tua bang hi lecin lametna om a, ci-thei-in na khan’ a sau ding hi.

Paunak 23:18 Referans Kwoze

Hebru 10:35

Tua ahih manin thaman lianpi a hong ngahsak thei na lungsim hanna uh na khahsuah kei un.

Late 9:18

Bang hang hiam cih leh mi cimawhte kimangngilh den lo dinga, mizawngteʼ lametna bei paisuak lo ding hi.

Jeremiah 29:11

Bang hang hiam cih leh Topa in kong cih in ah, mai lamah lametna kong piak ding, note siat nading hi loin na nopsak nading uh geelna ka neihte kei bek in ka thei hi.

Paunak 24:14

Pilna pen i nuntakna ah khuaizu tawh kibang a, pilna nei lecin mai lamah lametna om a, na khan hong sausak ding hi.

Filippi 1:20

Ka si a, ka hing zongin, a diakdiakin tu a kipanin a tawntungin midangte in Khris phat theih nading lungsim hanna a neih theih nadingun ka lungsim le ka pumpi tawh keima tavuan ka lelh het loh nading pen ka deihdeih, ka lam etet bulpi ahi hi.

Paunak 24:20

Amaute in mai lamah lamet ding bangmah nei lo a, amauteʼ meivak kisukmitsak ding hi.

Late 37:37

Paubaang lo mi ciamteh inla, thutang mi en in; bang hang hiam cih leh gal a phuang lo mi adingin nopna a om hi.

Luka 16:25

Ahi zongin Abraham in, ‘Ka ta aw, leitungah na nuntak laitakun nang nopsakna namkim na ngah laitakin Lazaras in haksatna namkim a thuak hi. Ahi zongin tu-in amah in hih lai ah nopsakna a ngah laitakin nangmah in haksatna a thuak na hi hi.

Late 19:11

Tua tham loin tuateʼ hangin a nasem pa in thuphawkna ngah a, tuate zuihna ah noptuamna lian a om hi.

Late 58:11

Mite in, “Thuman mi ading noptuamna om taktak a, leitung thu a khen Pasian khat om taktak hi,” ci ding uh hi.