Paunak 23:10 - Tedim Bible Revision 2017

¹⁰ Tanglai gisuang khiin kei unla, tagahteʼ leitang va keek kei un.

Tedim Bible

¹⁰ Taanglai gi-suang khin kei in la, tagahte’ leitang va keek kei in.

Paunak 23:10 Referans Kwoze

Paunak 22:28

Na pu na pateʼ phuh sa gisuang cikmah hunin khiin kei un.

Zekhariah 7:10

note lakah a om meigong, tagah, gamdang mite, ahih kei leh mizawngte gim pia loin, khatlekhat kiliatsakna ding na ngaihsut loh nading uh thu ka hong pia zo hi,” a ci hi.

Thu-hilhkikna 27:17

“‘A veengpaʼ gisuang a bot khia mipa in gimna ngah tahen,’ ci ding uh hi. Tua ciangin mi khempeuh in, ‘Amen,’ ci ding uh hi.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uh ah hoihtakin kemin, leitung siatnate tawh kisawh kha loin siangtho takin omna ahi hi.

Jeremiah 22:3

Topa in a cih in ah, thumanin dik tat unla, a bawlsiateʼ khut sung panin bawlsiatna a thuak mite hon khia un. Minam dangte, pa nei lote le meigongte simmawh bawl kha loin amauʼ tungah ngongtat kei unla, hih munah zong mawhna nei lo mite that kei un.

Thu-hilhkikna 19:14

“Topa na Pasian un na neih dingun hong piak leitang tungah noteʼ kep ding na gamhluahna sung uh ah khanglui mite in a phuh sa na veengteʼ gisuang na khiin kei ding uh hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Jeremiah 7:5

“Bang hang hiam na cih uh leh na nuntak zia uh le na gamtatnate uh na kipuah uh a, khatlekhat kikalah thuman le thutakin na vaihawm uh a,

Late 94:6

Amaute in meigong numeite le khual mite that lumin pa nei lote suam lum uh hi.

JOB (Job) 22:9

Meigongte a huh nuam lo ciang bek hi loin, mi tagahte bawlsia-in a neihsa uh na sut hi.

JOB (Job) 6:27

Mi cimawh khat suksiat gawp sawm a, na lawm khat uh hih gawp sawm na hi uh hiam?

JOB (Job) 24:9

“Migilote in pa nei nawn lo naupangte sila-in nei uh a, mizawngteʼ tate leiba tangin a la uh hi.

Paikhiatna 22:22

Meigong numei ahi a, tagah ahi zongin na gimsak kei ding uh hi.

Paunak 15:25

Topa in mi kiphasakteʼ inn phel khiatsak a, meigongteʼ neihsa hut pih hi.

Jeremiah 7:6

namdang mite, pa nei lote le meigongte na nuaisiah kei uh a, hih munah mawhnei lo mite that nawn loin, noteʼ gimna ding mah ahi pasian dang peuh na biak nawn kei uh leh,