Paunak 22:6 - Tedim Bible Revision 2017

⁶ Naupang khat a neu lai-in lampi man tawnsak lecin a teek dongin lampial nawn lo ding hi.

Tedim Bible

⁶ Naupang khat a neu lai-in lampi man tawnsak lecin, a teek dongin lam pial nawn lo ding hi.

Paunak 22:6 Referans Kwoze

Efesa 6:4

Pate aw, na tate uh a heh theih nadingin bawl kei unla, Khristiante ngeina tawh kituakin taii-in hilhin pantah un.

Thu-hilhkikna 6:7

Na tate uh tungah limtakin na hilh ding uh a, na inn sung uh ah na tut uh ciang, lampi ah na pai uh ciang, na lup ciang uh le na thawh ciangun tua thute na gengen ding uh hi.

2 TIMOTI NIHNA 3:15

Khris Jesu upna hangin hotkhiatna a hong ngahsak thei ding pilna a hong pia Lai Siangtho pen na neu tung a kipanin a thei sa na hihna thu zong na theih sa thu mah ahi hi.

Piancilna 18:19

Im kei ning. Bang hang hiam cih leh Topa in Abrahamʼ tunga a ciam sa thu a tunsak theih nadingin ama khit a a tate le a innkuanpihte in thuman le thutangin nasepna tawh Topaʼ thupiakte a zuih theih nadingun a hilh dingin amah ka teel khin hi,” a ci hi.

Thu-hilhkikna 4:9

“Na mit un a muh sa nate na nuntak sungun mangngilh kha-in, na lungsim panun paikhia kha ding ahih manin limtakin ngaihsunin hoihtakin kikem un. Horeb-a Topa na Pasian uh mai ah na din ni-un Topa in kei kiangah, ‘Leitungah a nuntak lai teng uh amaute in kei hong kihtak nading le amaute in a tate uh a hilh sawn theih nadingun keimah in amaute tungah ka thute ka zaksak theih nadingin ka kiangah mite hong khawm in,’ hong cihna thu, na tate uh le na tate uh tateʼ tungah kitheisak un.

1 SAMUEL MASA 1:28

Tua ahih ciangin Topaʼ tungah amah ka kawm hi. A nuntak lai teng Topaʼ tungah amah a kikawm ahi hi,” a ci hi. Tua ciangin amaute in tua lai ah Topa a bia uh hi.

1 SAMUEL MASA 2:26

Tu-in naupang Samuel a pumpi khangin Topa le miteʼ maipha a ngah toto hi.

Thu-hilhkikna 11:19

Na tate uh tungah na hilh ding uh a, na inn sung uh ah na lut laitak, lampi ah na pai laitak, na lup ciang uh leh na thawh ciangun tuate genin na nei ding uh hi.

Thukhente 13:12

Tua ciangin Manoah in, “Na thugente a manin hong tun ciangin naupangʼ nuntak zia ding bang hi a, amah in bang hih ding ahi hiam?” a ci hi.