Paunak 22:23 - Tedim Bible Revision 2017

²³ Bang hang hiam cih leh Topa in amaute panpih dinga, amau a bawlsiate tungah phu a laksak ding hi.

Tedim Bible

²³ Bang hang hiam cih leh Topa in amaute pan’pih ding a, amau a bawlsiate tungah phu laksak ding hi.

Paunak 22:23 Referans Kwoze

Late 140:12

Topa in gimna a thuak miteʼ thu a panpihna, mi cimawhte adingin thu a manin a khenna ka thei hi.

Late 12:5

Topa in, “Mizawngte a neihsa kihawk khia a, mi cimawhte thumin tau uh ahih ciangin tu-in dingin, amauʼ lunggulh, lungmuanna munah amaute ka koih ding hi,” a ci hi.

Paunak 23:11

Amaute a pawlpih pa pen Topa hi a, noteʼ lang khat ah amaute panpih ding hi.

Jeremiah 51:36

“Tua ahih manin Topa in kong cih in ah: En un, na thu uh ka hong sepsak dinga, note adingin ka hong thuksak ding hi. A bual ka keusak dinga, a ciktui ka kangsak ding hi.

1 SAMUEL MASA 25:39

Nabal a sihna thu David in a zak ciangin amah in, “Nabal khut tung panin ka ngah zahkona hong thuksakin, siatna panin a nasem pa a lenkik Topa in thupha ngah tahen. Topa in Nabalʼ gamtat siatna ama lu tung mahah tungkiksak hi,” a ci hi. Tua ciangin David in mi sawlin ama zi dingin Abigail helsak hi.

Late 35:10

Ka lungsim khempeuh tawh, “Topa aw, ama adingin a hat luate kiang panin a thahat lo mi a hon khia, a bawlsiateʼ kiang panin mizawngte a hon khia, nang tawh a kibang kua om ahi hiam?” ka ci ding hi.

Late 43:1

Pasian aw, ka dikna hong langsak inla, migilote tawh ka thu ah kei hong panpih in. Mi khemte le thutang lote kiang panin kei hong hon khia in.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Micah 7:9

Topa tungah khial khin ka hih manin ama hehna tawl khat ka thuak ding hi. Ahi zongin a tawpna ah kei hong huh dinga, a man lopi-in a hong kibawlna teng hong bawl phatsakin, amah in hong hon khia ding hi.

Jeremiah 50:34

Ahih hangin amaute a hon khia pa hat mahmah a, Vanglian Topa kici hi. Amah in leitungah kilemna a omna ding le Babylon mite in gimna a ngah nadingin, amaute adingin a sem ding hi.

Habakkuk 2:8

Note in minam dang tampiteʼ na na sut uh a, tu-in a om lai mite in noteʼ na hong sut ding uh hi. Bang hang hiam cih leh note in mi thatin, khuapite le a sunga teeng mite na bawlsia uh hi.

Isaiah 33:1

Hong kisusia nai lo, mi a susia pa aw, tu-in gimna a ngah ding na hi ta hi. Kuamah in hong khem nai loh, mi khem pa aw, tu-in gimna a ngah ding na hi ta hi. Na suksiat nawn loh ciangin nang hong kisusia dinga, na khem nawn loh ciangin nang hong kikhem ding hi.

Late 68:5

Pa nei loteʼ pa le meigong numeite a hupa pen, a siangtho mahmah ama omna ah a om Pasian ahi hi.

Late 35:1

Topa aw, kei hong langpangte langpang inla, kei hong dote do in.

1 SAMUEL MASA 24:12

Topa in kei le nang kikalah thu hong khen tahen. Topa in kei tangin nang tungah hong thuk tahen. Ahih hangin keima khut tawh nang kong hih kei ding hi.

1 SAMUEL MASA 24:15

Tua ahih ciangin Topa thukhen hong hi-in, kei le nang kikalah thukhenna hong pia henla, hih thu thei-in ka thu ah hong pang henla, na khut sung panin kei hong hon khia tahen,” a ci hi.

Paikhiatna 22:22

Meigong numei ahi a, tagah ahi zongin na gimsak kei ding uh hi.

Paikhiatna 22:23

Note in amaute na gimsak uh a, amaute keima tungah hong kiko leh, keimah in amauʼ kikona ka za taktak ding hi.

Late 12:6

Topaʼ thuciamnate, a siangtho thuciamna hi a, meikhuk sungah sagih vei a kisiangsak ngun tawh kibang hi.

Late 103:6

Topa in a kinengniamte adingin thuman thutangin thu a khen hi.

Late 140:13

Thuman mite in nangma min hong phat pelmawh ding uh a, lungsim thutangte pen nangma omna ah teeng ding uh hi.

Paunak 21:7

Migilote a manin gamta nuam lo uh ahih manin amauʼ gamtat siatna mah a awk pih uh hi.

Jeremiah 30:16

Tua ahih manin no hong thatte kithat dinga, na galte khempeuh uh salin kimankik ding hi. No hong buluhte kibuluh dinga, no a hong mante, matin om zaw ding uh hi.